ಶತಕ ದಾಖಲಿಸಿದ “ಗಿರಿಗಿಟ್‌’

ಕೋಸ್ಟಲ್‌ವುಡ್‌ನ‌ಲ್ಲಿ ಹಲವು ದಾಖಲೆ ಬರೆದಿರುವ “ಗಿರಿಗಿಟ್‌’ ಸಿನೆಮಾ ಮೊನ್ನೆ ಶನಿವಾರ ಶತಕದ ಸಾಧನೆ ಬರೆದಿದೆ. ಮಂಗಳೂರಿನ ಜ್ಯೋತಿ, ಭಾರತ್‌ ಸಿನೆಮಾಸ್‌, ಸಿನೆಪೊಲೀಸ್‌, ಮಣಿಪಾಲದ ಭಾರತ್‌ ಸಿನೆಮಾಸ್‌, ಉಡುಪಿಯ ಕಲ್ಪನಾ, ಕಾರ್ಕಳದ ಪ್ಲಾನೆಟ್‌ ಮತ್ತು ಮೂಡುಬಿದಿರೆಯ ಅಮರಶ್ರೀ ಚಿತ್ರಮಂದಿರದಲ್ಲಿ ಶತಕದ ಜತೆಯಾಟ ದಾಖಲಿಸಿದೆ.

ಕರಾವಳಿಯಲ್ಲಿ ಮಾತ್ರವಲ್ಲದೆ ಬೆಂಗಳೂರು, ಮೈಸೂರು, ಮುಂಬೈನಲ್ಲಿಯೂ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಮೊದಲ ಬಾರಿಗೆ ತುಳು ಚಿತ್ರ 15ಕ್ಕೂ ಅಧಿಕ ವಿವಿಧ ರೀತಿಯ ದಾಖಲೆಗಳನ್ನು ನಿರ್ಮಿಸಿರುವುದು ವಿಶೇಷ. ಮತ್ತೂಂದೆಡೆ ಅಮೇರಿಕದಲ್ಲಿಯೇ ಬರೋಬ್ಬರಿ 25 ಪ್ರದರ್ಶನ ಕಂಡಿರುವುದು ಮತ್ತೂಂದು ವಿಶೇಷ. ಇಂಗ್ಲೆಂಡ್‌ನ‌ಲ್ಲಿ 4 ಪ್ರದರ್ಶನ ಹಾಗೂ ಇಸ್ರೇಲ್‌, ನೈಜೀರಿಯಾ, ಮಲೇಶಿಯಾ, ಸಿಂಗಾಪುರದಲ್ಲಿಯೂ ಸಿನೆಮಾಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಬ್ಯಾಂಕಾಕ್‌ನಲ್ಲಿಯೂ ಸಿನೆಮಾ ಸಕ್ಸಸ್‌ ಬರೆದಿದೆ.

ಕೋಸ್ಟಲ್‌ವುಡ್‌ನ‌ಲ್ಲಿ ನಿತ್ಯ ಒಂದಿಲ್ಲೊಂದು ರೀತಿಯಲ್ಲಿ ಟ್ರೇಲರ್‌-ಪೋಸ್ಟರ್‌-ಹಾಡಿನ ಮೂಲಕ ಸದ್ದು ಮಾಡಿದ ರೂಪೇಶ್‌ ಶೆಟ್ಟಿ ಆ್ಯಕ್ಷನ್‌ ಕಟ್‌ ಹೇಳಿದ “ಗಿರಿಗಿಟ್‌’ ಕರಾವಳಿಯ ಜತೆಗೆ ದೇಶ-ವಿದೇಶದಲ್ಲಿಯೂ ಸದ್ದು ಮಾಡಿರುವುದು ನಿಜಕ್ಕೂ ರೋಚಕ.

ನವೀನ್‌ ಡಿ. ಪಡೀಲ್‌, ಅರವಿಂದ ಬೋಳಾರ್‌, ಭೋಜರಾಜ್‌ ವಾಮಂಜೂರು, ಪ್ರಸನ್ನ ಶೆಟ್ಟಿ ಬೈಲೂರು, ಉಮೇಶ್‌ ಮಿಜಾರ್‌, ಸಂದೀಪ್‌ ಶೆಟ್ಟಿ ಮಾಣಿಬೆಟ್ಟು ಸೇರಿದಂತೆ ಪ್ರಬುದ್ಧ ಕಲಾವಿದರ ಅಭಿನಯಕ್ಕೆ ಚಿತ್ರಪ್ರೇಮಿಗಳು ಶಹಬ್ಟಾಸ್‌ ಅಂದಿದ್ದಾರೆ. ಗುರುಕಿರಣ್‌ ಹಾಗೂ ಪಲ್ಲವಿ ಪ್ರಭು ಹಾಡಿರುವ “ಊರೇ ಮುರ್‌ಕಡ್‌.. ಕರ್ಫ್ಯೂ ಪಾಡಡ್‌..’ ಹಾಡಿಗೆ ಡರೆಲ್‌ ಮಸ್ಕರೇನ್ಹಸ್‌ ಹಾಗೂ ಜೋಯೆಲ್‌ ರೆಬೆಲ್ಲೋ ಸಂಗೀತ ನೀಡಿದ ಕೀರ್ತನ್‌ ಭಂಡಾರಿ ಸಾಹಿತ್ಯದ ಹಾಡು ವೈರಲ್‌ ಆಗಿದೆ.