ಮನೆಯಲ್ಲಿಯೇ ಹಬ್ಬ ಆಚರಿಸಿ

ಗಂಗಾವತಿ: ಪವಿತ್ರ ರಂಜಾನ್‌ ಹಬ್ಬವನ್ನು ಮನೆಯಲ್ಲಿಯೇ ಆಚರಣೆ ಮಾಡುವ ಮೂಲಕ ಕೊರೊನಾ ರೋಗ ಹರಡದಂತೆ ಎಲ್ಲರೂ ಎಚ್ಚರ ವಹಿಸಬೇಕು ಎಂದು ಡಿವೈಎಸ್‌ಪಿ ಡಾ| ಚಂದ್ರಶೇಖರ ಸೂಚನೆ ನೀಡಿದರು.

ಅವರು ನಗರ ಪೊಲೀಸ್‌ ಠಾಣೆಯಲ್ಲಿ ಮುಸ್ಲಿಂ ಸಮಾಜದ ಸಭೆಯಲ್ಲಿ ಮಾತನಾಡಿದರು. ಕೋವಿಡ್ 19  ವೈರಸ್‌ ಹರಡದಂತೆ ದೇಶಾದ್ಯಂತ ಲಾಕ್‌ ಡೌನ್‌ ಘೋಷಣೆ ಮಾಡಿರುವುದರಿಂದ ಭೌತಿಕ ಅಂತರ ಕಾಪಾಡಲು ಯಾರು ಮನೆಯಿಂದ ಹೊರಗೆ ಬರಬಾರದು. ರಂಜಾನ್‌ ಹಬ್ಬದಲ್ಲಿ ಈ ಭಾರಿ ಮನೆಯಲ್ಲಿಯೇ ಉಪವಾಸ ವ್ರತ ಬಿಡಬೇಕು. ಹಣ್ಣು ಇತರೆ ತಿಂಡಿಗಳನ್ನು ಮನೆ ಹತ್ತಿರ ಬರುವವರಿಂದ ಖರೀದಿಸುವಂತೆ ಸಲಹೆ ನೀಡಿದರು.

ನೂರುದ್ದೀನ್‌ ಖಾದ್ರಿ, ಎಸ್‌.ಬಿ. ಖಾದ್ರಿ, ಅಬ್ದುಲ್‌ಸಾಬ್‌, ಸೈಯದ್‌ ಅಲಿ, ಶಾಮೀದ್‌ ಮನಿಯರ್‌ ಹಾಗೂ ಪೊಲೀಸ್‌ ಅಧಿಕಾರಿಗಳಿದ್ದರು.