NEET-UG ಹಗರಣ ; ಮಾಸ್ಟರ್‌ಮೈಂಡ್‌, ಇಬ್ಬರು ಎಂಬಿಬಿಎಸ್ ವಿದ್ಯಾರ್ಥಿಗಳ ಬಂಧನ

ಹೊಸದಿಲ್ಲಿ: NEET-UG ಪೇಪರ್‌ ಸೋರಿಕೆ ಪ್ರಕರಣಕ್ಕೆ ಸಂಬಂಧಿಸಿ ಮಾಸ್ಟರ್‌ಮೈಂಡ್‌ಗಳಲ್ಲಿ ಒಬ್ಬ ಎನ್‌ಐಟಿ-ಜೆಮ್‌ಶೆಡ್‌ಪುರದ ಬಿ ಟೆಕ್‌ ಪದವೀಧರ ಹಾಗೂ ಸಾಲ್ವರ್ಸ್(solvers) ಆಗಿದ್ದ ಇಬ್ಬರು ಎಂಬಿಬಿಎಸ್ ವಿದ್ಯಾರ್ಥಿಗಳನ್ನು ಶನಿವಾರ ಬಂಧಿಸಿರುವುದಾಗಿ ಸಿಬಿಐ ಅಧಿಕಾರಿಗಳು ತಿಳಿಸಿದ್ದಾರೆ.

ಬಂಧಿಸಲಾಗಿರುವ ಇಬ್ಬರು ಎಂಬಿಬಿಎಸ್ ವಿದ್ಯಾರ್ಥಿಗಳು ರಾಜಸ್ಥಾನದ ಭರತ್‌ಪುರದ ವೈದ್ಯಕೀಯ ಶಾಲೆಯವರಾಗಿದ್ದಾರೆ. ಈ ಬಂಧನಗಳೊಂದಿಗೆ, ಆಪಾದಿತ ಅಕ್ರಮಗಳಿಗೆ ಸಂಬಂಧಿಸಿದ ಆರು ಪ್ರಕರಣಗಳಲ್ಲಿ ಸಂಸ್ಥೆಯು ಇದುವರೆಗೆ ಬಂಧಿಸಿರುವ ಒಟ್ಟು ಸಂಖ್ಯೆ ಈಗ 21 ಕ್ಕೆ ತಲುಪಿದೆ.

ನೀಟ್ ಯುಜಿ ಪರೀಕ್ಷೆ ದಿನಾಂಕ ಮೇ 5 ರಂದು ಹಜಾರಿಬಾಗ್‌ನಲ್ಲಿ ಎರಡನೇ ವರ್ಷದ ಎಂಬಿಬಿಎಸ್ ವಿದ್ಯಾರ್ಥಿ ಕುಮಾರ್ ಮಂಗಳಂ ಬಿಷ್ಣೋಯ್ ಮತ್ತು ಪ್ರಥಮ ವರ್ಷದ ವಿದ್ಯಾರ್ಥಿ ದೀಪೇಂದರ್ ಶರ್ಮ ಹಾಜರಾಗಿದ್ದರು ಮತ್ತು ಎಂಜಿನಿಯರ್ ಪಂಕಜ್ ಕುಮಾರ್ ಕದ್ದ ಪೇಪರ್‌ಗೆ “ಸಾಲ್ವರ್ಸ್” ಆಗಿ ಕಾರ್ಯನಿರ್ವಹಿಸಿದ್ದರು ಎಂದು ಆರೋಪಿಸಲಾಗಿದೆ.

ಶಶಿಕಾಂತ್ ಪಾಸ್ವಾನ್ ಅಲಿಯಾಸ್ ಶಶಿ ಅಲಿಯಾಸ್ ಪಸು, ಜೆಮ್‌ಶೆಡ್‌ಪುರದ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ B.Tech (Electrical) ಪಾಸ್‌ಔಟ್ ಆಗಿದ್ದು, ಈ ಹಿಂದೆ ಬಂಧಿತರಾಗಿದ್ದ ಕುಮಾರ್ ಮತ್ತು ರಾಕಿ ಜತೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಎಂದು ಅಧಿಕಾರಿಗಳು ಹೇಳಿದ್ದಾರೆ.