ಮೆಡಿಕಲ್‌ ಸೀಟ್‌ ಲಂಚ: ಹೈಕೋರ್ಟ್‌ ಮಾಜಿ ನ್ಯಾಯಾಧೀಶ ಸಹಿತ 6 ಸೆರೆ

ಹೊಸದಿಲ್ಲಿ : ಲಕ್ನೋ ಮೆಡಿಕಲ್‌ ಕಾಲೇಜಿನ ಭ್ರಷ್ಟಾಚಾರ ಕೇಸಿನಲ್ಲಿ ಶಾಮೀಲಾಗಿದ್ದ ಆರೋಪದ ಮೇಲೆ ಸಿಬಿಐ ನಿನ್ನೆ ಗುರುವಾರ ಒಡಿಶಾ ಹೈಕೋರ್ಟಿನ ಮಾಜಿ ನ್ಯಾಯಾಧೀಶ  ಇಶ್ರತ್‌ ಮಸ್‌ರೂರ್‌ ಕದ್ದೂಸಿ ಮತ್ತು ಇತರ ಐವರನ್ನು ಬಂಧಿಸಿದೆ.

ಕಳಪೆ ಮೂಲ ಸೌಕರ್ಯಗಳ ಕಾರಣಕ್ಕೆ ಸರಕಾರದಿಂದ ಕಪ್ಪು ಪಟ್ಟಿಗೆ ಸೇರಿಸಲ್ಪಟ್ಟಿದ್ದ ಲಕ್ನೋ ಪ್ರಸಾದ್‌ ಇನ್‌ಸ್ಟಿಟ್ಯೂಟ್‌ ಆಫ್ ಮೆಡಿಕಲ್‌ ಸಯನ್ಸಸ್‌ ನ್ಯಾಯಾಲಯದಿಂದ ಪರಿಹಾರ ಪಡೆಯಲು ಯತ್ನಿಸುತ್ತಿತ್ತು. 

ವಿದ್ಯಾರ್ಥಿಗಳನ್ನು ಕಾಲೇಜಿಗೆ ಸೇರಿಸಿಕೊಳ್ಳಕೂಡದೆಂಬ ಸುಪ್ರೀಂ ಕೋರ್ಟ್‌ ಆದೇಶದ ಹೊರತಾಗಿಯೂ, ಕಾಲೇಜಿಗೆ ಆದೇಶ ಜಾರಿಗೆ ಮೊದಲಿನ ಸ್ಥಾನಮಾನವನ್ನು ದೊರಕಿಸುವಲ್ಲಿ ಮತ್ತು ವಿದ್ಯಾರ್ಥಿಗಳನ್ನು ಕಾಲೇಜಿಗೆ ಸೇರಿಸಿಕೊಳ್ಳುವಂತೆ ಮಾಡುವಲ್ಲಿ  ಆರೋಪಿಗಳು ಭಾರೀ ಲಂಚ ತೆಗೆದುಕೊಂಡು ತೆಗೆದುಕೊಂಡಿದ್ದರು ಎನ್ನಲಾಗಿದೆ.