ಬ್ಯಾಂಕ್‌ ವಂಚನೆ ಪ್ರಕರಣ : ಟ್ರಾನ್ಸ್‌ಸಿಟಿ ವಿರುದ್ಧ ತನಿಖೆ ಆರಂಭಿಸಿದ ಸಿಬಿಐ

ಹೈದ್ರಾಬಾದ್‌: 7,926 ಕೋಟಿ ರೂಪಾಯಿ ಬ್ಯಾಂಕ್‌ ವಂಚನೆ ಪ್ರಕರಣದಲ್ಲಿ ಸಿಲುಕಿರುವ ಟಿಡಿಪಿ ನಾಯಕ ರಾಯಪಾಟಿ ಸಾಂಬಶಿವ ರಾವ್‌ ಅವರ ಹೈದ್ರಾಬಾದ್‌ ಮೂಲದ ನಿರ್ಮಾಣ ಕಂಪನಿ ಟ್ರಾನ್ಸ್‌ಸ್ಟೋರಿ ಲಿಮಿಟೆಡ್‌ ಹಾಗೂ ಅದಕ್ಕೆ ಸಂಬಂಧಿಸಿದ ಅಧಿಕಾರಿಗಳ ವಿರುದ್ಧ ಶನಿವಾರ ಸಿಬಿಐ ತನಿಖೆ ಆರಂಭಿಸಿದೆ. ಈ ವಿಚಾರದಲ್ಲಿ ಸಾಲದಾತ ಬ್ಯಾಂಕ್‌ಗಳ ನೇತೃತ್ವ ವಹಿಸಿದ್ದ ಕೆನರಾ ಬ್ಯಾಂಕ್‌ ಕಂಪನಿಯು ಇತ್ತೀಚೆಗೆ ಎಫ್ಐಆರ್‌ ದಾಖಲಿಸಿತ್ತು.

ಬ್ಯಾಂಕ್‌ನ ಪ್ರಕಾರ, ಆರೋಪಿಗಳು ಖಾತೆ ಪುಸ್ತಕಗಳು, ಸ್ಟಾಕ್‌ ಸ್ಟೇಟ್‌ಮೆಂಟ್‌ಗಳ ಜತೆಗೆ, ಬ್ಯಾಲೆನ್ಸ್‌ ಶೀಟ್‌ಗಳನ್ನು ತಿರುಚಿದ್ದಷ್ಟೇ ಅಲ್ಲದೇ, ಹಣವನ್ನು ಅನ್ಯ ಕಾರಣಗಳಿಗೆ ಬಳಸಿಕೊಂಡಿರುವುದು ಪತ್ತೆಯಾಗಿದೆ. ಈ ಹಿನ್ನೆಲೆಯಲ್ಲಿ ಸಿಬಿಐ ಟ್ರಾನ್ಸ್‌ಸ್ಟೋರಿ ಲಿಮಿಟೆಡ್‌ನ‌ ಕಚೇರಿ ಹಾಗೂ ಆರೋಪಿಗಳ ನಿವಾಸಗಳಲ್ಲಿ ಹುಡುಕಾಟ ನಡೆಸಿದೆ. ಜತೆಗೆ, ಇದು ನೀರವ್‌ ಮೋದಿಗಿಂತಲೂ ದೊಡ್ಡ ಹಗರಣ ಎಂದು ಸಿಬಿಐ ಹೇಳಿದೆ.

ಇದನ್ನೂ ಓದಿ:ಕೊಡವರು ಗೋ ಮಾಂಸ ತಿನ್ನುತ್ತಾರೆಂದು ನಾನು ಹೇಳಲಿಲ್ಲ: ಸಿದ್ದರಾಮಯ್ಯ ಸ್ಪಷ್ಟನೆ