ಟಾರ್ಚ್‌ ಲೈಟಲ್ಲೇ 32 ರೋಗಿಗಳಿಗೆ Cataract surgery : ತನಿಖೆ

ಉನ್ನಾವೋ, ಉತ್ತರ ಪ್ರದೇಶ : ಇಲ್ಲಿನ ಸರಕಾರಿ ಒಡೆತನದ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ವಿದ್ಯುತ್‌ ನಾಪತ್ತೆಯಾಗಿದ್ದ ಸಂದರ್ಭದಲ್ಲಿ 32 ಕ್ಯಾಟರಾಕ್ಟ್ ರೋಗಿಗಳ ಮೇಲೆ ಟಾರ್ಚ್‌ ಲೈಟ್‌ನಲ್ಲಿ ಸರ್ಜರಿ ನಡೆದಿರುವ ಬಗ್ಗೆ  ಇಂದು ಮಂಗಳವಾರ ತನಿಖೆಗೆ ಆದೇಶಿಸಲಾಗಿದೆ.

ನವಾಬ್‌ಗಂಜ್‌ನ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ನಿನ್ನೆ ಸೋಮವಾರ ವಿದ್ಯುತ್‌ ಪೂರೈಕೆ ನಿಂತು ಹೋದ ಸಂದರ್ಭದಲ್ಲಿ 32 ಕ್ಯಾಟರಾಕ್ಟ್ ಪೇಶಂಟ್‌ಗಳಿಗೆ ಟಾರ್ಚ್‌ ಲೈಟ್‌ನಲ್ಲೇ ಸರ್ಜರಿ ನಡೆಸಲಾಗಿತ್ತು. 

ಜಿಲ್ಲಾ ಮ್ಯಾಜಿಸ್ಟ್ರೇಟರು ಈ ಘಟನೆಯ ಬಗ್ಗೆ ತನಿಖೆಗೆ ಆದೇಶಿಸಿದ್ದು ಕ್ಯಾಟರಾಕ್ಟ್ ಸರ್ಜರಿ ಕೈಗೊಳ್ಳುವ ಹೊಣೆ ಹೊತ್ತ ಸಂಘಟನೆ ತಪ್ಪುಗಾರನೆಂದು ಕಂಡು ಬಂದಲ್ಲಿ ಅದನ್ನು ಕಪ್ಪು ಪಟ್ಟಿಗೆ ಸೇರಿಸಲಾಗುವುದು ಎಂದು ಮುಖ್ಯ ವೈದ್ಯಾಧಿಕಾರಿ ರಾಜೇಂದ್ರ ಪ್ರಸಾದ್‌ ತಿಳಿಸಿದ್ದಾರೆ.

”ಸರ್ಜರಿ ಬಳಿಕ ನಮಗೆ ಮಲಗಲು ಹಾಸಿಗೆ ನೀಡಲಾಗಿಲ್ಲ ; ಹಾಗಾಗಿ ನಾವು ಕೊರೆಯುವ ಚಳಿಯಲ್ಲೂ ನೆಲದ ಮೇಲೇ ಮಲಗಿದೆವು” ಎಂದು ಹಲವು ರೋಗಿಗಳು ಹೇಳಿದ್ದಾರೆ. ಅವರ ಮನೆಯನವರು ಈ ಬಗ್ಗೆ ದೂರು ನೀಡಿದ್ದಾರೆ ಎಂದು ತಿಳಿದು ಬಂದಿದೆ.