ಪುರಿ ಬೀಚ್‌ನಲ್ಲಿ ಹದಿನಾರು ಅಡಿ ಉದ್ದದ ಶಾರ್ಕ್‌ ಕಳೇಬರ

ಪುರಿ : ಇಲ್ಲಿನ ಬೀಚ್‌ನಲ್ಲಿ ಅರಣ್ಯಾಧಿಕಾರಿಗಳು ಹದಿನಾರು ಅಡಿ ಉದ್ದದ ಬೃಹತ್‌ ಗಾತ್ರದ ಶಾರ್ಕ್‌ ಕಳೇಬರವನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಸ್ಥಳೀಯ ಮೀನುಗಾರರು ಮೊತ್ತ ಮೊದಲಾಗಿ ಶಾರ್ಕ್‌ ಕಳೇಬರ ದಡದ ಕಡೆಗೆ ಸಾಗಿ ಬರುತ್ತಿರುವುದನ್ನು ಕಂಡರು. ಈ ಶಾರ್ಕ್‌ 16 ಅಡಿ ಉದ್ದ 9 ಅಡಿ ಅಗಲವಿದೆ. ಇದನ್ನು 1ನೇ ವರ್ಗದ ಸಾಗರ ಜೀವಿ ಎಂದು ವರ್ಗೀಕರಿಸಲಾಗಿದೆ ಎಂದು ರೇಂಜ್‌ ಆಫೀಸರ್‌ ಆಸಿತ್‌ ಮಿಶ್ರಾ ಹೇಳಿದರು. 

“ಮೊದಲಾಗಿ ನಾವಿದನ್ನು ವೇಲ್‌ ಕಳೇಬರವೆಂದು ಭಾವಿಸಿದ್ದೆವು. ಅನಂತರ ಅದು ಶಾರ್ಕ್‌ ಎಂದು ನಮಗೆ ಖಚಿತವಾಯಿತು’ ಎಂದು ಮಿಶ್ರಾ ಹೇಳಿದರು. 

ಶಾರ್ಕ್‌ ಕಳೇಬರದ ಪರೀಕ್ಷೆ ನಡೆಸಿದ ಬಳಿಕವೇ ಅದರ ಸಾವಿಗೆ ಕಾರಣವೇನೆಂಬುದು ಗೊತ್ತಾಗುವುದೆಂದು ಮಿಶ್ರಾ ಹೇಳಿದರು.