Mudhol: ಬೃಹತ್ ಗಾತ್ರದ ಹಾವು ಸೆರೆ

ಮುಧೋಳ: ನಾಗರಪಂಚಮಿ ದಿನದಂದೇ ತೋಟದ ಮನೆಯ ಹಿತ್ತಲಿನಲ್ಲಿ ಪ್ರತ್ಯಕ್ಷಗೊಂಡಿದ್ದ ಬೃಹತ್ ಹಾವೊಂದನ್ನು ಸೆರೆಹಿಡಿದು ರಕ್ಷಿಸಿರುವ ಘಟನೆ ಆ.21ರ ಸೋಮವಾರ ಸಮೀಪದ ಪೆಟ್ಲೂರ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ನಾಗನಗೌಡ ಪಾಟೀಲ ಎಂಬವರ ತೋಟದ ಮನೆಯ ಹಿತ್ತಲಿನಲ್ಲಿ ಅಂದಾಜು 15 ಅಡಿ ಉದ್ದದ ಕೇರೆ ಹಾವು ಕಾಣಿಸಿಕೊಂಡಿದ್ದು, ತಕ್ಷಣ ಉರಗ ತಜ್ಞ ಬಾಬುಸಾಬ ಮದಾರಿ ಅವರಿಗೆ ಕರೆ ಮಾಡಿ ವಿಷಯ ಮುಟ್ಟಿಸಿದ್ದಾರೆ.

ಆ ಕೂಡಲೇ ಸ್ಥಳಕ್ಕೆ ಆಗಮಿಸಿದ ಉರಗ ತಜ್ಞ ಬಾಬುಸಾಬ ಹಾವನ್ನು ಸುರಕ್ಷಿತವಾಗಿ ಸರೆ ಹಿಡಿದು ಬೇರೆಡೆ ಸ್ಥಳಾಂತರಿಸಿದ್ದಾರೆ.

ನಾಗರಪಂಚಮಿ ದಿನದಂದೆ ಪ್ರತ್ಯಕ್ಷಗೊಂಡ ಹಾವನ್ನು ಕಂಡು ಕೊಂಚ ಆತಂಕಗೊಂಡ ಪಾಟೀಲ ಮನೆಯವರು ಸಮಯ ಪ್ರಜ್ಞೆ ಮೆರೆದು ಹಾವನ್ನು ಬೇರೆಡೆ ಸ್ಥಳಾಂತರಿಸಿದ್ದಾರೆ.