ಅನುಷ್ಕಾ, ಆರ್‌ಸಿಬಿ ಜತೆ ಕೊಹ್ಲಿ ಬರ್ತ್‌ಡೇ

ದುಬಾೖ: ಗುರುವಾರ 32ನೇ ವರ್ಷಕ್ಕೆ ಕಾಲಿಟ್ಟ ಟೀಮ್‌ ಇಂಡಿಯಾ ಹಾಗೂ ಆರ್‌ಸಿಬಿ ತಂಡದ ನಾಯಕ ವಿರಾಟ್‌ ಕೊಹ್ಲಿ ದುಬಾೖಯಲ್ಲಿ ಜನ್ಮದಿನದ ಸಡಗರ ಆಚರಿಸಿಕೊಂಡರು. ಪತ್ನಿ ಅನುಷ್ಕಾ ಶರ್ಮ, ಬೆಂಗಳೂರು ತಂಡದ ಆಟಗಾರರೆಲ್ಲ ಈ ಸಂಭ್ರಮಕ್ಕೆ ಸಾಕ್ಷಿಯಾದರು.

ಕೊಹ್ಲಿ ಬರ್ತ್‌ಡೇ ಆಚರಣೆಯ ಎರಡು ಕಿರು ವೀಡಿಯೋಗಳು ಆನ್‌ಲೈನ್‌ನಲ್ಲಿ ಹರಿದಾಡುತ್ತಿವೆ. ಒಂದರಲ್ಲಿ, ಆಟಗಾರರೆಲ್ಲ “ಹ್ಯಾಪ್ಪಿ ಬರ್ತ್‌ಡೇ’ ಎನ್ನುತ್ತ ಚಪ್ಪಾಳೆ ತಟ್ಟುತ್ತಿರುವ, ಕೊಹ್ಲಿ ಕೇಕ್‌ ಕತ್ತರಿಸುವ ದೃಶ್ಯವಿದೆ. ಪಕ್ಕದಲ್ಲೇ ನಿಂತಿದ್ದ ಅನುಷ್ಕಾ ಮೊದಲ ಕೇಕ್‌ ಪೀಸ್‌ ಅನ್ನು ವಿರಾಟ್‌ಗೆ ತಿನಿಸುತ್ತಾರೆ. ಇನ್ನೊಂದರಲ್ಲಿ, ಆರ್‌ಸಿಬಿ ಆಟಗಾರರೆಲ್ಲ ಕೊಹ್ಲಿಯ ಮುಖಕ್ಕೆ, ಮೈಗೆ ಕೇಕ್‌ ಮೆತ್ತಿದ ದೃಶ್ಯವಿದೆ.

ಬಿಸಿಸಿಐ, ಹಾಲಿ ಹಾಗೂ ಮಾಜಿ ಕ್ರಿಕೆಟಿರು, ಅಭಿಮಾನಿಗಳು ಕೊಹ್ಲಿ ಹುಟ್ಟಿದ ಹಬ್ಬಕ್ಕೆ ಶುಭ ಕೋರಿದ್ದಾರೆ.