ಕೇಪ್‌ಟೌನ್‌: ಇಂಗ್ಲೆಂಡಿಗೆ 264 ರನ್‌ ಲೀಡ್‌

ಕೇಪ್‌ಟೌನ್‌: ಕೇಪ್‌ಟೌನ್‌ ಟೆಸ್ಟ್‌ ಪಂದ್ಯದ 3ನೇ ದಿನದಾಟದ ಅಂತ್ಯಕ್ಕೆ 2ನೇ ಇನ್ನಿಂಗ್ಸ್‌ನಲ್ಲಿ 4 ವಿಕೆಟಿಗೆ 218 ರನ್‌ ಮಾಡಿರುವ ಇಂಗ್ಲೆಂಡ್‌ 264 ರನ್ನುಗಳ ಮುನ್ನಡೆ ಸಾಧಿಸಿ ಸುಸ್ಥಿತಿಯಲ್ಲಿದೆ.

ಈ ಪಂದ್ಯದಲ್ಲಿ ಇಂಗ್ಲೆಂಡಿನ ವೇಗಿ ಜೇಮ್ಸ್‌ ಆ್ಯಂಡರ್ಸನ್‌ ಮತ್ತು ಆಲ್‌ರೌಂಡರ್‌ ಬೆನ್‌ ಸ್ಟೋಕ್ಸ್‌ “ಫೈವ್‌ ಸ್ಟಾರ್‌’ ಆಗಿ ಮೆರೆದಾಡಿದ್ದಾರೆ. ಆ್ಯಂಡರ್ಸನ್‌ 5 ವಿಕೆಟ್‌ ಉರುಳಿಸಿದರೆ, ಸ್ಟೋಕ್ಸ್‌ 5 ಕ್ಯಾಚ್‌ ಪಡೆದರು.

ಆ್ಯಂಡರ್ಸನ್‌ ಟೆಸ್ಟ್‌ ಇನ್ನಿಂಗ್ಸ್‌ ಒಂದರಲ್ಲಿ 5 ಪ್ಲಸ್‌ ವಿಕೆಟ್‌ ಕಿತ್ತ 28ನೇ ನಿದರ್ಶನ ಇದಾಗಿದೆ. ಇದರೊಂದಿಗೆ ಅವರು 8ನೇ ಸ್ಥಾನಕ್ಕೇರಿದರು. ಶ್ರೀಲಂಕಾದ ಮುತ್ತಯ್ಯ ಮುರಳೀಧರನ್‌ 67 ಸಲ ಇನ್ನಿಂಗ್ಸ್‌ನಲ್ಲಿ 5 ಪ್ಲಸ್‌ ವಿಕೆಟ್‌ ಉರುಳಿಸಿದ್ದು ವಿಶ್ವದಾಖಲೆ. ಸ್ಲಿಪ್‌ ವಿಭಾಗದಲ್ಲಿ ಫೀಲ್ಡಿಂಗ್‌ ನಡೆಸುತ್ತಿದ್ದ ಬೆನ್‌ ಸ್ಟೋಕ್ಸ್‌ 5 ಕ್ಯಾಚ್‌ ಪಡೆದು ಇಂಗ್ಲೆಂಡ್‌ ದಾಖಲೆ ಸ್ಥಾಪಿಸಿದರು.