Fact check ಘಟಕ ಸ್ಥಾಪಿಸುವ ಐಟಿ ನಿಯಮ ರದ್ದು: ಹೈಕೋರ್ಟ್‌ ಆದೇಶ

ಮುಂಬಯಿ: ಸಾಮಾಜಿಕ ಮಾಧ್ಯಮಗಳಲ್ಲಿ ನಕಲಿ, ಸುಳ್ಳು, ದಾರಿತಪ್ಪಿಸುವ ಸುದ್ದಿಗಳನ್ನು ಪತ್ತೆ ಮಾಡಲು ಫ್ಯಾಕ್ಟ್ಚೆಕ್‌ ಘಟಕ ಸ್ಥಾಪಿಸಲು ಐಟಿ ಕಾಯ್ದೆಗೆ ತಂದಿದ್ದ ತಿದ್ದುಪಡಿ ಅಸಾಂವಿಧಾನಿಕ ಎಂದ ಬಾಂಬೆ ಹೈಕೋ ರ್ಟ್‌, ಈ ತಿದ್ದುಪಡಿಯನ್ನು ರದ್ದು ಮಾಡಿದೆ.

ಹೈಕೋ ರ್ಟ್‌ನ ಈ ಆದೇಶದಿಂದ ಕೇಂದ್ರ ಸರಕಾರಕ್ಕೆ ತೀವ್ರ ಹಿನ್ನಡೆ ಉಂಟಾಗಿದೆ. ಐಟಿ ನಿಯಮವನ್ನು ಪ್ರಶ್ನಿಸಿ ಸಲ್ಲಿಸಲಾಗಿದ್ದ ಅರ್ಜಿವಿಚಾರಣೆ ನಡೆಸಿದ ಬಾಂಬೆ ಹೈಕೋರ್ಟ್‌ನ ವಿಭಾಗೀಯ ಪೀಠ ಪ್ರತ್ಯೇಕ ತೀರ್ಪು ನೀಡಿತ್ತು. ಹೀಗಾಗಿ ಈ ಪ್ರಕರಣವನ್ನು ನ್ಯಾ|ಎ.ಎಸ್‌.ಚಂದೂರ್ಕರ್‌ ಅವರಿಗೆ ವರ್ಗಾಯಿಸಲಾಗಿತ್ತು.ವಿಚಾ ರಣೆ ನಡೆಸಿದ ನ್ಯಾಯಮೂರ್ತಿ ಇದರ ಸಾಂವಿಧಾನಿಕ ಸಿಂಧುತ್ವವನ್ನು ಪ್ರಶ್ನಿಸಿದ್ದಾರೆ. ಈ ಕಾನೂನು ಸಂವಿಧಾನದ 14ನೇ ವಿಧಿ (ವಾಕ್‌ ಸ್ವಾತಂತ್ರ್ಯ)ಯನ್ನು ಉಲ್ಲಂಘನೆ ಮಾಡುತ್ತದೆ ಎಂದು ಹೇಳಿದ್ದಾರೆ.