ಮುಂಬಯಿ ಕಾರ್ಮಿಕರಿಗೆ ಸಿಂಗಾಪುರದಲ್ಲಿ ಮಿಡಿದ ಹೃದಯ

ಸಿಂಗಾಪುರ: ಮುಂಬಯಿಯಲ್ಲಿ ವಲಸೆ ಕಾರ್ಮಿಕರು ಅನುಭವಿಸುತ್ತಿರುವ ಬವಣೆಯ ಬಗ್ಗೆ ಅರಿತುಕೊಂಡ ಸಿಂಗಾಪುರದ ಇಬ್ಬರು ವಿದೇಶಿ ವಿದ್ಯಾರ್ಥಿಗಳು 100 ಕಿ. ಮೀ. ಸೈಕಲ್‌ ತುಳಿದು ನಿಧಿ ಸಂಗ್ರಹಿಸಿದ್ದಾರೆ. ಇವರಿಬ್ಬರೂ ಚೀನ ಸಂಜಾತರಾಗಿದ್ದು ಇನ್‌ಸಿಡ್‌ ಬಿಸಿನೆಸ್‌ ಸ್ಕೂಲ್‌ನ ವಿದ್ಯಾರ್ಥಿಗಳು.

ಮಾಧ್ಯಮಗಳ ಮೂಲಕ ಮುಂಬಯಿಯಲ್ಲಿ ವಲಸೆ ಕಾರ್ಮಿಕರ ಅನುಭವಿಸುತ್ತಿರುವ ಸಂಕಷ್ಟಗಳನ್ನು ನೋಡಿ ತಿಳಿದುಕೊಂಡ ಬಳಿಕ ಡರೆನ್‌ ಕ್ಸಿಯವೊ ಮತ್ತು ಕಿ ಕ್ಸು ಝೊ ಎಂಬ ಈ ವಿದ್ಯಾರ್ಥಿಗಳು ನಿಧಿ ಸಂಗ್ರಹಿಸಲು ಸೈಕಲ್‌ ಯಾನ ಮಾಡಿದ್ದಾರೆ.
ರವಿವಾರ ಒಂದೇ ದಿನ ಅವರು 1,700 ಡಾಲರ್‌ ಸಂಗ್ರಹಿಸಿದ್ದಾರೆ. ಮೇ15ರೊಳಗೆ ಕನಿಷ್ಠ 7000 ಡಾಲರ್‌ ಆದರೂ ಸಂಗ್ರಹಿಸುವುದು ಅವನ ಗುರಿ.