Canadian Open: ಸಿನ್ನರ್‌, ಜೆಸ್ಸಿಕಾ ಪೆಗುಲಾಗೆ ಪ್ರಶಸ್ತಿ

ಟೊರೊಂಟೊ: ಇಟಲಿಯ ಏಳನೇ ಶ್ರೇಯಾಂಕದ ಜಾನ್ನಿಕ್‌ ಸಿನ್ನರ್‌ ಅವರು ಆಸ್ಟ್ರೇಲಿಯದ ಅಲೆಕ್ಸ್‌ ಡಿ ಮಿನೌರ್‌ ಅವರನ್ನು ನೇರ ಸೆಟ್‌ಗಳಿಂದ ಸೋಲಿಸಿ ಕೆನಡಿಯನ್‌ ಓಪನ್‌ ಟೆನಿಸ್‌ ಕೂಟದ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಇದು ಅವರ ಚೊಚ್ಚಲ ಮಾಸ್ಟರ್ 1000 ಕೂಟದ ಪ್ರಶಸ್ತಿಯಾಗಿದೆ.

ಮಾಸ್ಟರ್ 1000 ಕೂಟದಲ್ಲಿ ಮೂರನೇ ಬಾರಿ ಫೈನಲಿನಲ್ಲಿ ಆಡಿದ ಸಿನ್ನರ್‌ ಅಮೋಘವಾಗಿ ಆಡಿ 6-4, 6-1 ನೇರ ಸೆಟ್‌ಗಳಿಂದ ಮಿನೌರ್‌ ಅವರನ್ನು ಉರುಳಿಸಿ ಪ್ರಶಸ್ತಿ ಗೆದ್ದರು. ಅವರು ಈ ಹಿಂದೆ 2021 ಮತ್ತು ಈ ವರ್ಷ ಮಿಯಾಮಿ ಓಪನ್‌ ಕೂಟದ ಫೈನಲ್‌ಗೇರಿದ್ದು ರನ್ನರ್‌ ಅಪ್‌ ಸ್ಥಾನ ಪಡೆದಿದ್ದರು.

ಕಳೆದ ತಿಂಗಳು ವಿಂಬಲ್ಡನ್‌ ಕೂಟದಲ್ಲಿ ಸೆಮಿಫೈನಲ್‌ ತಲುಪಿದ್ದ 21ರ ಹರೆಯದ ಸಿನ್ನರ್‌ ಒತ್ತಡದ ಪರಿಸ್ಥಿತಿಯಲ್ಲಿಯೂ ತಾಳ್ಮೆಯ ಆಟದ ಪ್ರದರ್ಶನ ನೀಡುವ ಸಾಮರ್ಥ್ಯ ಹೊಂದಿದ್ದರು.

ಜೆಸ್ಸಿಕಾ ಪೆಗುಲಾಗೆ ಪ್ರಶಸ್ತಿ
ವನಿತೆಯರ ಫೈನಲ್‌ನಲ್ಲಿ ಅಮೆ ರಿಕದ ಜೆಸ್ಸಿಕಾ ಪೆಗುಲಾ ಅವರು ರಷ್ಯಾದ ಲುಡ್ಮಿಲಾ ಸಾಮೊÕನೋವಾ ಅವರನ್ನು 6-1, 6-0 ನೇರ ಸೆಟ್‌ಗಳಿಂದ ಉರುಳಿಸಿ ಪ್ರಶಸ್ತಿ ಗೆದ್ದರು. ಇದು ಡಬ್ಲ್ಯುಟಿಎ ಟೂರ್‌ನಲ್ಲಿ ಅವರ ಬಾಳ್ವೆಯ ಮೂರನೇ ಪ್ರಶಸ್ತಿಯಾಗಿದೆ.

ನೀವು ಬಹಳಷ್ಟು ಪಂದ್ಯಗಳನ್ನು ಗೆದ್ದರೂ ಕೂಟದ ಪ್ರಶಸ್ತಿ ಗೆಲ್ಲುವದು ಅಪರೂಪ. ಹಾಗಾಗಿ ಪ್ರತಿಯೊಂದು ಕೂಟವೂ ಕಠಿನವಾಗಿ ಇರಲಿದೆ. ಈ ವಾರ ಇಲ್ಲಿ ಗೆದ್ದಿರುವುದು ಖುಷಿ ನೀಡಿದೆ ಮತ್ತು ಇದೇ ಉತ್ಸಾಹದಲ್ಲಿ ಮುಂದೆಯೂ ಆಡುವೆ ಎಂದು ಪೆಗುಲಾ ಹೇಳಿದ್ದಾರೆ.

ಫೈನಲ್‌ ಪಂದ್ಯ ಆಡುವುದ ಕ್ಕಿಂತ ಮೊದಲು ಸಾಮೊನೋವಾ ಅವರು ಸೆಮಿಫೈನಲ್‌ನಲ್ಲಿ ಕಝಾಕ್‌ಸ್ಥಾನದ ಎಲೆನಾ ರಿಬಕಿನಾ ಅವರನ್ನು 1-6, 6-1, 6-2 ಸೆಟ್‌ಗಳಿಂದ ಸೋಲಿಸಿದ್ದರು. ಮಳೆಯಿಂದಾಗಿ ಈ ಪಂದ್ಯ ಮುಂದೂಡಲ್ಪಟ್ಟಿದ್ದು ರವಾವರ ಬೆಳಗ್ಗೆ ಅಂತ್ಯಗೊಂಡಿತ್ತು.