ಬಯಸಿದ್ರೆ ಒಂದೇ ನಿಮಿಷದಲ್ಲಿ ಸಿಎಂ ಆಗ್ತೀನಿ !; ಸಂಸದೆ ಹೇಮಾ ಮಾಲಿನಿ

ಮಥುರಾ: ನಾನು ಬಯಸಿದ್ರೆ ಒಂದೇ ನಿಮಿಷದಲ್ಲಿ ಸಿಎಂ ಆಗುತ್ತೇನೆ. ಆದರೆ ನನ್ನನ್ನ ಕಟ್ಟಿಹಾಕಿಕೊಳ್ಳಲು ಬಯಸುವುದಿಲ್ಲ ಎಂದು ಪ್ರಖ್ಯಾತ ನಟಿ,ಬಿಜೆಪಿ ಸಂಸದೆ ಹೇಮಾ ಮಾಲಿನಿ ಹೇಳಿಕೆ ನೀಡಿದ್ದಾರೆ.

ರಾಜಸ್ಥಾನದ ಬನ್‌ಸ್ವಾರಾದಲ್ಲಿ ಪಿಟಿಐ ಸುದ್ದಿಸಂಸ್ಥೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಹೇಮಾ ಮಾಲಿನಿ ಈ ಹೇಳಿಕೆ ನೀಡಿದ್ದಾರೆ. 

ನನಗೆ ಸಿಎಂ ಆಗುವುದು ಕಷ್ಟವೇನಲ್ಲಾ ಆದರೆ ನನ್ನ ಸ್ವಾತಂತ್ರ್ಯ ಕಳೆದುಕೊಳ್ಳಲು ಇಷ್ಟ ಪಡುವುದಿಲ್ಲ ಎಂದು 69 ರ ಹರೆಯದ ಚಿರ ಯವ್ವನೆ ಹೇಳಿಕೆ ನೀಡಿದ್ದಾರೆ. 

2003 ರಲ್ಲಿ  ಬಿಜೆಪಿ ಸಂಸದೆಯಾಗಿ ರಾಜ್ಯಸಭೆ ಪ್ರವೇಶಿಸಿದ್ದ ಹೇಮಾ ಮಾಲಿನಿ 2014 ರಲ್ಲಿ  ಮಥುರಾದಲ್ಲಿ  ಭರ್ಜರಿ ಗೆಲುವು ಸಾಧಿಸಿ ಸಂಸದೆಯಾಗಿ ಆಯ್ಕೆಯಾಗಿದ್ದರು.