ಝಾಕಿರ್‌ ವಿರುದ್ಧ ಕೇಸು

ಹೊಸದಿಲ್ಲಿ: ವಿವಾದಿತ ಇಸ್ಲಾಂ ಧಾರ್ಮಿಕ ಪ್ರವಚನಕಾರ ಡಾ.ಝಾಕಿರ್‌ ನಾಯ್ಕ ವಿರುದ್ಧ ಜಾರಿ ನಿರ್ದೇಶನಾಲಯ (ಇ.ಡಿ) ಗುರುವಾರ ಅಕ್ರಮ ಹಣ ವರ್ಗಾವಣೆ ನಡೆಸಿದ ಆರೋಪದ ಅನ್ವಯ ಕೇಸು ದಾಖಲಿಸಿಕೊಂಡಿದೆ.

ಮುಂಬೈನಲ್ಲಿರುವ ಅಕ್ರಮ ಹಣ ವರ್ಗಾವಣೆಗೆ ಪ್ರಕರಣಗಳನ್ನು ವಿಚಾರಣೆ ನಡೆಸುವ ನ್ಯಾಯಾಲಯದ ಸೂಚನೆ ಅನ್ವಯ ಈ ಕ್ರಮ ಕೈಗೊಳ್ಳಲಾಗಿದೆ. ಆತನ ವಿರುದ್ಧ 193.06 ಕೋಟಿ ರೂ. ಮೊತ್ತ ದಷ್ಟು ಹಣ ವರ್ಗಾವಣೆ ಮಾಡಿರುವುದನ್ನು ಈಗಾಗಲೇ ಕಂಡುಕೊಂಡಿರುವುದಾಗಿ ಇ.ಡಿ. ಹೇಳಿದೆ.

ಈಗಾಗಲೇ 50.46 ಕೋಟಿ ರೂ. ಮೌಲ್ಯದ ಆಸ್ತಿ ವಶಪಡಿಸಿಕೊಳ್ಳಲಾಗಿದೆ. ಈತನ ವಿರುದ್ಧ ಢಾಕಾದ ಬೇಕರಿ ಮೇಲೆ ದಾಳಿ ನಡೆಸಿದ ಗುಂಪಿನ ಮೇಲೆ ಪ್ರಭಾವ ಬೀರಿ ಮನಃ ಪರಿವರ್ತನೆಗೊಳಿಸಿದ ಆರೋಪ ಕೂಡ ಇದೆ.