Advertisement
ಹೌದು, ಪಾಕಿಸ್ತಾನ ಪಿಎಂ ಶೆಹಬಾಜ್‌ ಶರೀಫ್ ಅವರು ಪಾಕಿಸ್ತಾನ್‌ ಮುಸ್ಲಿಂ ಲೀಗ್‌ -ನವಾಜ್‌ (ಪಿಎಂಎಲ್‌-ಎನ್‌) ಪಕ್ಷದ ಸಾಮಾನ್ಯ ಮಂಡಳಿ ಸಭೆ ನಡೆಸಿದ್ದಾರೆ. ಈ ವೇಳೆ ಮಾತನಾಡಿ, ಪಕ್ಷದ ಮುಂದಾಳತ್ವ ವಹಿಸಲು ನನ್ನ ಹಿರಿಯ ಸಹೋದರ ನವಾಜ್‌ ಶರೀಫ್ ದೇಶಕ್ಕೆ ಮರಳುವುದನ್ನೇ ಕಾಯುತ್ತಿದ್ದೇನೆ ಎಂದಿದ್ದಾರೆ.2019ರಿಂದಲೂ ಲಂಡನ್‌ನಲ್ಲಿರುವ ಮಾಜಿ ಪ್ರಧಾನಿ ನವಾಜ್‌, ಪನಾಮಾ ಪೇಪರ್ಸ್‌ ಹಗರಣದ ಹಿನ್ನೆಲೆಯಲ್ಲಿ ಪಾಕ್‌ಗೆ ಮರಳಿದರೂ ಯಾವುದೇ ಪಕ್ಷದ ನೇತೃತ್ವ ವಹಿಸುವಂತಿಲ್ಲ. ಆದರೆ ಇದನ್ನು ಮರುಪರಿಶೀಲಿಸಲು ಶೆಹಬಾಜ್‌ ಶರೀಫ್ ಅನುಮತಿ ನೀಡಿದ್ದಾರೆ. ಈ ಮೂಲಕ ಸುಪ್ರೀಂಕೋರ್ಟ್‌ನಲ್ಲಿ ತಮ್ಮ ವಿರುದ್ಧದ ತೀರ್ಪು ಪ್ರಶ್ನಿಸಲು ನವಾಜ್‌ಗೆ 60 ದಿನಗಳ ಕಾಲವಕಾಶ ಸಿಕ್ಕಿದೆ.
ಇನ್ನು ರಾಜಕೀಯ ಗೊಂದಲಗಳೆಲ್ಲದರ ನಡುವೆ ಪಾಕಿಸ್ತಾನದ ವಿದೇಶಿ ಮೀಸಲು ನಿಧಿ ಕುಸಿಯುತ್ತಿದ್ದು, ಈ ವಾರ ಮೀಸಲು ನಿಧಿ 3.9 ಶತಕೋಟಿ ಡಾಲರ್‌ಗೆ ಇಳಿಕೆಯಾಗಿತ್ತು. ಈ ಬೆನ್ನಲ್ಲೇ, ಚೀನಾ ಪಾಕಿಸ್ತಾನಕ್ಕೆ 1 ಶತಕೋಟಿ ಡಾಲರ್‌ ನೀಡಿದೆ ಎಂಬುದಾಗಿ ಸರ್ಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ.