ವಾಟ್ಸ್‌ಆ್ಯಪ್‌ನಿಂದ ಹೊಸ ಕಾಲ್‌ ಕಾನ್ಫರೆನ್ಸ್‌ ಫೀಚರ್‌

ನವದೆಹಲಿ: ಐಫೋನ್‌ನಲ್ಲಿ ವಾಟ್ಸ್‌ಆ್ಯಪ್‌ ಬಳಸುವವರಿಗಾಗಿ ವಾಟ್ಸ್‌ಆ್ಯಪ್‌ ಕಂಪನಿ, ಹೊಸ ಕಾಲಿಂಗ್‌ ಫೀಚರ್‌ ಕಲ್ಪಿಸಿದೆ. ಈ ಮೂಲಕ, ಏಕಕಾಲದಲ್ಲಿ ಹಲವಾರು ಮಂದಿಯ ಜೊತೆಗೆ ಫೋನ್‌ ಆಡಿಯೋ ಕಾಲ್‌ ಮಾಡಬಹುದು.

ಈಗಾಗಲೇ ಐಫೋನ್‌ನಲ್ಲಿರುವ “ಫೇಸ್‌ಟೈಮ್‌’ ಆ್ಯಪ್‌ನಲ್ಲಿರುವಂತೆ, ವಾಟ್ಸ್‌ಆ್ಯಪ್‌ ಕಾಲ್‌ನಲ್ಲಿ ಭಾಗವಹಿಸಿರುವ ಎಲ್ಲರ ಭಾವಚಿತ್ರಗಳು ಫೋನ್‌ನ ಪರದೆಯ ಮೇಲೆ ಕಾಣಿಸುವಂತೆ ಇದನ್ನು ರೂಪಿಸಲಾಗಿದೆ.

ಈ ಆಡಿಯೋ ಕಾಲ್‌ ಕಾನ್ಫರೆನ್ಸ್‌ ನಡೆಯುತ್ತಿರುವಾಗಲೇ ವಾಟ್ಸ್‌ಆ್ಯಪ್‌ನ ಇತರ ಸದಸ್ಯರನ್ನು ಸೇರಿಸಿಕೊಳ್ಳಲು ಅವಕಾಶವಿರುತ್ತದೆ. ಇತರ ಸದಸ್ಯರು ಈ ಕಾನ್ಫರೆನ್ಸ್‌ಗೆ ಸೇರಲು ನೀವು ಕಳುಹಿಸಿದ ಆಹ್ವಾನ ತಿರಸ್ಕರಿಸದೇ ಇದ್ದರೆ ಅವರನ್ನು ವಾಟ್ಸ್‌ಆ್ಯಪ್‌ ಕರೆ ಮೂಲಕ ಸಂಪರ್ಕಿಸಿ ಸಭೆಗೆ ಆಹ್ವಾನಿಸಬಹುದು.