ಸಂಪುಟ ಶೀಘ್ರ ವಿಸ್ತರಣೆ

ಮುಂಬಯಿ: ಮಹಾರಾಷ್ಟ್ರದಲ್ಲಿ ಉದ್ಧವ್‌ ಠಾಕ್ರೆ ನೇತೃತ್ವದ ಸರಕಾರವು, 2-3 ದಿನದಲ್ಲಿ ಸಂಪುಟ ವಿಸ್ತರಿಸಲಿದೆ. ಕ್ರಿಸ್‌ಮಸ್‌ನೊಳಗೆ ಅಂದರೆ ಡಿ.23 ಅಥವಾ 24ರಂದು ಖಾತೆ ಹಂಚಿಕೆ ಮಾಡುವ ಸಾಧ್ಯತೆ ಇದೆ. ಈ ಸಂಬಂಧ ಕಾಂಗ್ರೆಸ್‌ ಹಿರಿಯ ಮುಖಂಡ ಮಲ್ಲಿಕಾರ್ಜುನ ಖರ್ಗೆ, ಎನ್‌ಸಿಪಿ ವರಿಷ್ಠ ಶರದ್‌ ಪವಾರ್‌ ಜೊತೆ ಉದ್ಧವ್‌ ಠಾಕ್ರೆ ಮಾತುಕತೆ ನಡೆಸಿದ್ದಾರೆ. 288 ಸದಸ್ಯ ಬಲದ ವಿಧಾನಸಭೆಯಲ್ಲಿ 43 ಖಾತೆಗಳು ಇದ್ದು, ಮುಖ್ಯಮಂತ್ರಿ ಸ್ಥಾನವನ್ನು ಶಿವಸೇನೆಗೆ ಬಿಟ್ಟುಕೊಟ್ಟಿರುವುದರಿಂದ ಮಹತ್ವದ ಖಾತೆಗಳಿಗೆ ಕಾಂಗ್ರೆಸ್‌ ಹಾಗೂ ಎನ್‌ಸಿಪಿ ಬೇಡಿಕೆ ಇಡುವ ಸಂಭವ ಇದೆ. ಸಂಪುಟಕ್ಕೆ ಅಜಿತ್‌ ಪವಾರ್‌ ಸೇರ್ಪಡೆ ವಿಷಯ ಇನ್ನು ನಿಗೂಢವಾಗಿದೆ. ಈ ಬಗ್ಗೆ ಶರದ್‌ ಪವಾರ್‌ ನಿರ್ಧಾರ ಕೈಗೊಳ್ಳಬೇಕಿದೆ.