‘ಬೈ ನೌ‌ – ಪೇ ಲೇಟರ್ ಸೌಲಭ್ಯಕ್ಕೆ ಕೊಕ್‌ ನೀಡಿದ ಫಿನ್‌ಟೆಕ್‌ ಸಂಸ್ಥೆಗಳು!

ನವದೆಹಲಿ: ಬ್ಯಾಂಕ್‌ ಹೊರೆತಾಗಿ ಸಾಲ ನೀಡುವ ಸಂಸ್ಥೆಗಳಿಗೆ ಭಾರತೀಯ ರಿಸರ್ವ್‌ ಬ್ಯಾಂಕ್‌(ಆರ್‌ಬಿಐ) ನಿಯಮ ಜಾರಿ ಮಾಡಿದ ಬೆನ್ನಲ್ಲೇ ಭಾರತದ ಅನೇಕ ಫಿನ್‌ಟೆಕ್‌ ಸಂಸ್ಥೆಗಳು “ಬೈ ನೌವ್‌ ಪೇ ಲೇಟರ್‌’ ಸೌಲಭ್ಯವನ್ನು ಕೈಬಿಟ್ಟಿವೆ.

ಬ್ಯಾಂಕೇತರ ಸಂಸ್ಥೆಗಳು ಸಾಲ ನೀಡಬೇಕೆಂದರೆ ಆರ್‌ಬಿಐನಿಂದ ಅನುಮತಿ ಪಡೆದಿರಬೇಕು ಎಂದು ನಿಯಮ ಜಾರಿ ಮಾಡಲಾಗಿದೆ. ಅನೇಕ ಸಂಸ್ಥೆಗಳು ಗ್ರಾಹಕರ ವ್ಯಾಲೆಟ್‌ನಲ್ಲಿ ಹಣವಿಲ್ಲದಿದ್ದರೂ ಖರೀದಿಗೆ ಅವಕಾಶ ಕೊಟ್ಟು, ನಂತರ ಹಣ ಕಟ್ಟಲು ಸೂಚಿಸುತ್ತಿವೆ. ಆದರೆ ವ್ಯಾಲೆಟ್‌ನಲ್ಲಿ ಮೊದಲೇ ತುಂಬಿಸಿಟ್ಟುಕೊಂಡ ಹಣದಿಂದ ಮಾತ್ರವೇ ವ್ಯವಹಾರಕ್ಕೆ ಅವಕಾಶ ನೀಡಬೇಕೆಂದು ಆರ್‌ಬಿಐ ಸೂಚಿಸಿದೆ.

ಆ ಹಿನ್ನೆಲೆಯಲ್ಲಿ, ಅನೇಕ ಸಂಸ್ಥೆಗಳು ತಮ್ಮ ಸೌಲಭ್ಯದಲ್ಲಿ ಬದಲಾವಣೆ ತರಲಾರಂಭಿಸಿವೆ.