ಕುಲ್ಲು : 500 ಮೀ. ಪ್ರಪಾತಕ್ಕೆ ಉರುಳಿ ಬಿದ್ದ ಬಸ್ಸು, 20 ಸಾವು, 20 ಮಂದಿ ಗಂಭೀರ

ಕುಲ್ಲು : ಹಿಮಾಚಲ ಪ್ರದೇಶದ ಕುಲ್ಲು ನಲ್ಲಿ 50 ಜನರಿದ್ದ ಬಸ್ಸು 500 ಮೀಟರ್‌ ಆಳದ ಪ್ರಪಾತಕ್ಕೆ ಉರುಳಿ ಬಿದ್ದ ಭೀಕರ ದುರಂತದಲ್ಲಿ 20 ಮಂದಿ ಮೃತಪಟ್ಟು ಇತರ 20 ಮಂದಿ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ವರದಿಯಾಗಿದೆ. ಮೃತರ ಸಂಖ್ಯೆ ಹೆಚ್ಚುವ ಭೀತಿ ಇದೆ ಎಂದು ವರದಿಗಳು ತಿಳಿಸಿವೆ.

ಕುಲ್ಲು ವಿನ ಬಜಾರ್‌ ತೆಹಶೀಲ್‌ ನಲ್ಲಿ ಈ ದುರಂತ ಇಂದು ಗುರುವಾರ ಮಧ್ಯಾಹ್ನ 4 ಗಂಟೆಯ ವೇಳೆಗೆ ಸಂಭವಿಸಿದೆ. ಬಸ್ಸು ಗಡಗುಶಾನಿ ಎಂಬಲ್ಲಿಗೆ ಹೋಗುತ್ತಿತ್ತು.

ಅಪಘಾತ ನಡೆದ ಸ್ಥಳಕ್ಕೆ ಐದು ಅಂಬುಲೆನ್ಸ್‌ಗಳು ಧಾವಿಸಿ ರಕ್ಷಣಾ ಕಾರ್ಯದಲ್ಲಿ ನಿರತವಾಗಿವೆ. ಏಳು ವೈದ್ಯರ ತಂಡ ಗಾಯಾಳುಗಳ ತುರ್ತು ವೈದ್ಯಕೀಯ ನೆರವಿಗೆ ಶ್ರಮಿಸುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

12 ಮಹಿಳೆಯರು, ಏ ಮಕ್ಕಳು, ಐದರಿಂದ ಆರು ಬಾಲಕಿಯರು ಮತ್ತು 10 ಯುವಕರನ್ನು ಅವಘಡ ತಾಣದಿಂದ ಪಾರುಗೊಳಿಸಲಾಗಿದೆ. ರಕ್ಷಿಸಲ್ಪಟ್ಟವರೆಲ್ಲರೂ ಗಂಭೀರ ಗಾಯಾಳುಗಳಾಗಿದ್ದು ಅವರನ್ನುಸಮೀಪದ ಆಸ್ಪತ್ರೆಗೆ ಸೇರಿಸಲಾಗಿದೆ.