ಗಡಿ ದಾಟಿ ಬಂದ ಇಬ್ಬರು ಪಾಕಿಗಳನ್ನು ಬಂಧಿಸಿದ ಗಡಿ ಭದ್ರತಾ ಪಡೆ

ಶ್ರೀನಗರ : ಜಮ್ಮು ಕಾಶ್ಮೀರದ ಸಾಂಬಾ ವಲಯದಲ್ಲಿ ಅಕ್ರಮವಾಗಿ ಗಡಿ ದಾಟಿ ಬಂದ ಇಬ್ಬರು ಪಾಕ್‌ ಪ್ರಜೆಗಳನ್ನು ಬಿಎಸ್‌ಎಫ್ ಯೋಧರು ಬಂಧಿಸಿದ್ದಾರೆ. 

ಇವರಲ್ಲಿ ಒಬ್ಟಾತನನ್ನು ನರ್ವಾಲ್‌ ಜಿಲ್ಲೆಯ ಸೊಹೇಲ್‌ ಕಮರ್‌ (21) ಎಂದು ಗುರುತಿಸಲಾಗಿದೆ. ಇನ್ನೊಬ್ಬನನ್ನು ಪಾಕಿಸ್ಥಾನದ ಸಿಯಾಲ್‌ಕೋಟ್‌ ನ ಝಫ‌ರ್‌ ವಾಲ್‌ ತೆಹಶೀಲ್‌ನ ಅಹ್ಮದ್‌ (31) ಎಂದು ಗುರುತಿಸಲಾಗಿದೆ. 

ನಿನ್ನೆ ಶುಕ್ರವಾರ ಇವರನ್ನು ಬಂಧಿಸಲಾಗಿದ್ದು ಗುಪ್ತಚರ ದಳದವರು ಅವರನ್ನು ಪ್ರಶ್ನಿಸುತ್ತಿದ್ದಾರೆ. 

ಈ ನಡುವೆ ಇಂದು ಶನಿವಾರ ನಸುಕಿನ 4 ಗಂಟೆಯ ಹೊತ್ತಿಗೆ  ಪಾಕ್‌ ಪಡೆಗಳು ಜಮ್ಮು ಕಾಶ್ಮೀರದ ಆರ್ನಿಯಾ ಮತ್ತು ನೌಶೇರಾ ವಲಯಗಳಲ್ಲಿ ಕದನ ವಿರಾಮ ಉಲ್ಲಂಘನೆ ಮಾಡಿದ್ದು ಪಾಕ್‌ ಗುಂಡಿನ ದಾಳಿಗೆ ಭಾರತೀಯ ಸೈನಿಕರು ಪ್ರಬಲ ಪ್ರತ್ಯುತ್ತರ ನೀಡಿದ್ದಾರೆ.