ಮುಂಬಯಿ ಶೇರು 358 ಅಂಕ ಏರಿಕೆ, ನಿಫ್ಟಿ ಮತ್ತೆ 11,000 ಮಟ್ಟಕ್ಕೆ

ಮುಂಬಯಿ : ಆರ್‌ ಬಿ ಐ ತನ್ನ ದರ ನೀತಿಯನ್ನು ಈ ಬಾರಿ ಬದಲಿಸುವುದೆನ್ನುವ ಆಶಾವಾದ ಚಿಗುರಿದ ಕಾರಣ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಬುಧವಾರದ ವಹಿವಾಟನ್ನು 358.42 ಅಂಕಗಳ ಭರ್ಜರಿ ಏರಿಕೆಯೊಂದಿಗೆ 36,975.23 ಅಂಕಗಳ ಮಟ್ಟದಲ್ಲಿ  ಬಲವಾದ ಆತ್ಮ ವಿಶ್ವಾಸದೊಂದಿಗೆ ಕೊನೆಗೊಳಿಸಿತು.

ಇದೇ ರೀತಿ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 128.10 ಅಂಕಗಳ ಏರಿಕೆಯನ್ನು ಸಾಧಿಸಿ ದಿನದ ವಹಿವಾಟನ್ನು 11,062.45 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ಆರ್‌ ಬಿ ಐ ತನ್ನ ದ್ವೆ„ಮಾಸಿಕ ದರ ನೀತಿಯನ್ನು ನಾಳೆ ಗುರುವಾರ ಪ್ರಕಟಿಸಲಿದೆ. 

ಇಂದಿನ ವಹಿವಾಟಿನಲ್ಲಿ ಬಜಾಜ್‌ ಫಿನಾನ್ಸ್‌, ಟಾಟಾ ಸ್ಟೀಲ್‌, ಒಎನ್‌ಜಿಸಿ, ಬಜಾಜ್‌ ಆಟೋ, ಸನ್‌ ಫಾರ್ಮಾ, ಎನ್‌ಪಿಟಿಸಿ, ಕೋಲ್‌ ಇಂಡಿಯಾ, ಮಾರುತಿ, ಟಾಟಾ ಮೋಟರ್‌, ಐಸಿಐಸಿಐ ಬ್ಯಾಂಕ್‌, ರಿಲಯನ್ಸ್‌ ಶೇರುಗಳು ಶೇ.4.34 ಏರಿಕೆಯನ್ನು ಕಂಡವು. 

ಮುಂಬಯಿ ಶೇರು ಪೇಟೆಯಲ್ಲಿಂದು ಒಟ್ಟು  2,712 ಕಂಪೆನಿಗಳ ಶೇರುಗಳು ವಹಿವಾಟಿಗೆ ಒಳಪಟ್ಟವು; ಈ ಪೈಕಿ 1.034 ಶೇರುಗಳು ಮುನ್ನಡೆ ಸಾಧಿಸಿದವು; 1,527 ಶೇರುಗಳು ಹಿನ್ನಡೆಗೆ ಗುರಿಯಾದವು; 151 ಶೇರುಗಳ ಧಾರಣೆ ಯಾವುದೇ ಬದಲಾವಣೆ ಕಾಣಲಿಲ್ಲ.