ಲಾಭ ನಗದೀಕರಣದ ಒತ್ತಡ: ಸೆನ್ಸೆಕ್ಸ್‌ 39 ಅಂಕಗಳ ಅಲ್ಪ ಮುನ್ನಡೆ

ಮುಂಬಯಿ : ಹೂಡಿಕೆದಾರರು ಮತ್ತು ವಹಿವಾಟುದಾರರು ಲಾಭ ನಗದೀಕರಣಕ್ಕೆ ಮುಂದಾದ ಕಾರಣ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಬೆಳಗ್ಗಿನ ಉತ್ತಮ ಮುನ್ನಡೆಯ ಬಹುಪಾಲನ್ನು ಮಧ್ಯಾಹ್ನದ ಬಳಿಕ ಬಿಟ್ಟುಕೊಟ್ಟು ದಿನದ ವಹಿವಾಟನ್ನು ಕೇವಲ 39.80 ಅಂಕಗಳ ಮುನ್ನಡೆಯೊಂದಿಗೆ 35,483.47 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ಇದೇ ರೀತಿ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 19.30 ಅಂಕಗಳ ಅತ್ಯಲ್ಪ ಏರಿಕೆಯನ್ನು ದಾಖಲಿಸಿ ದಿನದ ವಹಿವಾಟನ್ನು 10,786.95 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು. 

ಮುಂಬಯಿ ಶೇರು ಪೇಟೆಯಲ್ಲಿಂದು ಒಟ್ಟು 2,832 ಕಂಪೆನಿಗಳ ಶೇರುಗಳು ವಹಿವಾಟಿಗೆ ಒಳಪಟ್ಟವು; ಈ ಪೈಕಿ 1,529 ಶೇರುಗಳು ಮುನ್ನಡೆ ಕಂಡವು; 1,147 ಶೇರುಗಳು ಹಿನ್ನಡೆಗೆ ಗುರಿಯಾದವು; 156 ಶೇರುಗಳು ಯಾವುದೇ ಬದಲಾವಣೆ ಕಾಣಲಿಲ್ಲ. 

ಇಂದಿನ ಟಾಪ್‌ ಗೇನರ್‌ಗಳು : ಭಾರ್ತಿ ಏರ್‌ಟೆಲ್‌, ಬಜಾಜ್‌ ಫಿನಾನ್ಸ್‌, ಅಲ್ಟ್ರಾ ಟೆಕ್‌ ಸಿಮೆಂಟ್‌, ಗ್ರಾಸಿಂ, ಝೀ ಎಂಟರ್‌ಟೇನ್‌ಮೆಂಟ್‌; ಟಾಪ್‌ ಲೂಸರ್‌ಗಳು : ಟಾಟಾ ಸ್ಟೀಲ್‌, ಯುಪಿಎಲ್‌, ಎಚ್‌ಸಿಎಲ್‌ ಟೆಕ್‌ , ಪವರ್‌ ಗ್ರಿಡ್‌, ಕೋಲ್‌ ಇಂಡಿಯಾ.