U.K; ವಿದ್ಯಾರ್ಥಿ ವೀಸಾ ನೀತಿ ಬದಲಿಸಲು ಬ್ರಿಟನ್‌ ಪ್ರಧಾನಿ ಸುನಕ್‌ ಚಿಂತನೆ!

ಲಂಡನ್‌: ಬ್ರಿಟನ್‌ನಲ್ಲಿ ವಿದೇಶಿ ವಿದ್ಯಾರ್ಥಿಗಳು ವ್ಯಾಸಂಗ ಮುಗಿಸಿದ ಬಳಿಕವೂ 2 ವರ್ಷ ಅಲ್ಲೇ ಇದ್ದು, ಕೆಲಸ ಮಾಡಲು ಅನುವು ಮಾಡಿಕೊಡುವ ವಿದ್ಯಾರ್ಥಿ ವೀಸಾದ ನಿಯಮಗಳನ್ನು ಬದಲಾಯಿಸಲು ಬ್ರಿಟನ್‌ ಪ್ರಧಾನಿ ರಿಷಿ ಸುನಕ್‌ ಚಿಂತಿಸುತ್ತಿದ್ದಾರೆ. ಈ ಬದಲಾವಣೆ ಜಾರಿಯಾದರೆ ಭಾರತೀಯ ಮೂಲದ ವಿದ್ಯಾರ್ಥಿಗಳೇ ಹೆಚ್ಚು ಸಂಕಷ್ಟಕ್ಕೆ ಸಿಲುಕುವ ಸಾಧ್ಯತೆಗಳಿದೆ ಎನ್ನಲಾಗಿದೆ.

ಪ್ರಸಕ್ತ ವಲಸಿಗ ವಿದ್ಯಾರ್ಥಿಗಳು ವ್ಯಾಸಂಗ ಮುಗಿಸಿದ ಬಳಿಕವೂ 2 ವರ್ಷ ಅಲ್ಲೇ ಇದ್ದು ಕೆಲಸ ಮಾಡಲು ಅವಕಾಶವಿದೆ. ಇದನ್ನು ರದ್ದುಮಾಡಲು ರಿಷಿ ಚಿಂತಿಸಿದ್ದಾರೆ. ಇದಕ್ಕೆ ಅವರ ಸಂಪುಟದಲ್ಲೇ ವಿರೋಧವಿದೆ ಎನ್ನಲಾಗಿದೆ.

2021-23ರವರೆಗೆ ನೀಡಿರುವ ವೀಸಾ ಪೈಕಿ ಶೇ.42ರಷ್ಟು ಭಾರತದ ವಿದ್ಯಾರ್ಥಿಗಳಿದ್ದು, ನಿಯಮ ಬದಲಿಸಿದರೆ ಅವರಿಗೆ ತೊಂದರೆಯಾಗಲಿದೆ.