ನವದೆಹಲಿ: ಇತ್ತೀಚಿನ ದಿನಗಳಲ್ಲಿ ಮದುವೆ ಸಮಾರಂಭಕ್ಕಿಂತ ಪ್ರೀ ವೆಡ್ಡಿಂಗ್‌ ಫೋಟೋ ಶೂಟ್‌ ಗಳೇ ಹೆಚ್ಚಾಗಿ ಪ್ರಚಾರ ಪಡೆಯುತ್ತಿದೆ. ದುಬಾರಿ ಫೋಟೋ ಶೂಟ್‌ ಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಳ್ಳುವುದುಂಟು.
ಸುಂದರ ತಾಣದಲ್ಲಿ ಪ್ರೀ ವೆಡ್ಡಿಂಗ್‌ ಶೂಟ್‌ ಮಾಡಿಸುವ ವಿಡಿಯೋ, ಫೋಟೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ರೀಲ್ಸ್‌ ಆಗಿ ವೈರಲ್ ಆಗುತ್ತದೆ. ಜೈಪುರದಲ್ಲಿ ಪ್ರೀ ವೆಡ್ಡಿಂಗ್‌ ಫೋಟೋ ಶೂಟ್‌ ಮಾಡಿಸಲು ಹೋಗಿ ವೇದಿಕೆಯಲ್ಲೇ ವಧು – ವರರು ಕೆಳಕ್ಕೆ ಬಿದ್ದ ವಿಡಿಯೋ ಭಾರೀ ವೈರಲ್ ಆಗಿದೆ.
ಜೈಪುರದ ಜೋಡಿ ತಮ್ಮ ಮದುವೆಯ ಮುನ್ನ ಪ್ರೀ ವೆಡ್ಡಿಂಗ್‌ ಫೋಟೋ ಶೂಟ್‌ ಮಾಡಿಸಲು ವಧು – ವರರನಂತೆ ಸಿದ್ದವಾಗಿ ಸುಂದರವಾದ ವೇದಿಕೆಯಲ್ಲಿ ಫೋಟೋ ಶೂಟ್‌ ಮಾಡಿಸಿದ್ದಾರೆ. ಈ ವೇಳೆ ರೊಮ್ಯಾಂಟಿಕ್‌ ಪೋಸ್ ಕೊಡಲು ಹೋಗುವಾಗ ಹುಡುಗಿಯ ಶಾಲು ಹುಡುಗನ ಕುರ್ತಾಕ್ಕೆ ಸಿಕ್ಕಿ ಬಿದ್ದಿದ್ದು, ರೊಮ್ಯಾಂಟಿಕ್‌ ಪೋಸ್ ನಲ್ಲಿದ್ದ ಇಬ್ಬರೂ ನೆಲಕ್ಕೆ ಬಿದ್ದಿದ್ದಾರೆ.
ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, 7.50 ಲಕ್ಷಕ್ಕೂ ಅಧಿಕ ಮಂದಿ ಲೈಕ್‌ ಮಾಡಿದ್ದು, 14 ಮಿಲಿಯನ್ ಗೂ ಅಧಿಕ ವೀಕ್ಷಣೆಯಾಗಿದೆ.
ಇವರಿಬ್ಬರೂ ಈಗ ಪ್ರೀತಿಯಲ್ಲಿ ಬಿದ್ದಿದ್ದಾರೆ ಎಂದು ನೆಟ್ಟಿಗರೊಬ್ಬರು ಕಮೆಂಟ್‌ ಮಾಡಿದ್ದು, ಇನ್ನೊಬ್ಬರು ಇಷ್ಟು ಭಾರವಾದ ಬಟ್ಟೆಯನ್ನು ಹಾಕಿಕೊಂಡರೆ ಹೀಗೆಯೇ ಆಗುವುದೆಂದಿದ್ದಾರೆ.
