ರಾಜಯೋಗಿನಿ ದಾದಿ ಜಾನಕಿ ನಿಧನ

ಮೌಂಟ್‌ ಅಬು: ಬ್ರಹ್ಮಕುಮಾರಿ ಈಶ್ವರಿ ಸಂಸ್ಥೆಯ ವಿಶ್ವ ಅಧ್ಯಾತ್ಮ ವಿಶ್ವವಿದ್ಯಾಲಯದ ಮುಖ್ಯಸ್ಥರಾಗಿದ್ದ ರಾಜಯೋಗಿನಿ ದಾದಿ ಜಾನಕಿ (104) ಶುಕ್ರವಾರ ನಸುಕಿನಲ್ಲಿ 2.10 ನಿಮಿಷಕ್ಕೆ ಖಾಸಗಿ ಆಸ್ಪತ್ರೆಯಲ್ಲಿ ಶರೀರ ತ್ಯಾಗ ಮಾಡಿದರು.

ಅನಾರೋಗ್ಯ ಸಮ ಸ್ಯೆಗಳಿಂದ ಬಳಲುತ್ತಿದ್ದ ದಾದಿ ಜಾನಕಿ ಅವರು, ಎರಡು ತಿಂಗಳಿಂದ ಚಿಕಿತ್ಸೆ ಪಡೆಯುತ್ತಿ ದ್ದರು. ಆದರೆ ಚಿಕಿತ್ಸೆ ಫ‌ಲಕಾರಿಯಾಗದೆ ರಾಜಸ್ಥಾನದ ಮೌಂಟ್‌ ಅಬುದಲ್ಲಿರುವ ಗ್ಲೋಬಲ್‌ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು.

ಬ್ರಹ್ಮಕುಮಾರಿ ಸಂಸ್ಥೆಯ ಕೇಂದ್ರ ಕಚೇರಿ ಆವರಣದಲ್ಲಿನ ಶಾಂತಿವನದಲ್ಲಿ ಶುಕ್ರವಾರ ದಾದಿ ಅವರ ಅಂತ್ಯಕ್ರಿಯೆ ನಡೆಸಲಾಯಿತು.