ಪಟಾಕಿ ಸಿಡಿದು ಆಟವಾಡುತ್ತಿದ್ದ ಬಾಲಕನ ದಾರುಣ ಸಾವು

ತಂಜಾವೂರು, ತಮಿಳು ನಾಡು : ಕಚ್ಚಾ ಪಟಾಕಿಗಳೊಂದಿಗೆ ಆಟವಾಡುತ್ತಿದ್ದ ವೇಳೆ ಅವು ಆಕಸ್ಮಿಕವಾಗಿ ಸಿಡಿದ ಪರಿಣಾಮವಾಗಿ 8 ವರ್ಷ ಪ್ರಾಯದ ಬಾಲಕನೋರ್ವ ಅಸುನೀಗಿದ್ದು ಆತನ ಗೆಳೆಯನು ಗಂಭೀರವಾಗಿ ಗಾಯಗೊಂಡ ಘಟನೆ ವರದಿಯಾಗಿದೆ. 

ಕುಡಮೂರುತಿ ನದೀ ಪಾತ್ರೆಯಲ್ಲಿ ಬಾಲಕರಾದ ಎಂ ಕೀರ್ತಿವಾಸನ್‌ ಮತ್ತು ಮುಲ್ಲೆ„ ನಗರದ ಆತನ ಸ್ನೇಹಿತ 7 ವರ್ಷ ಪ್ರಾಯದ ಎಂ ಯೋಗೇಶ್‌ ಆಟವಾಡುತ್ತಿದ್ದರು. ಆಗ ಅವರಿಗೆ ಅಲ್ಲೇ ಬಿದ್ದುಕೊಂಡಿದ್ದ ಪಟಾಕಿಗಳು ಕಂಡು ಬಂದವು. ಅದರೊಂದಿಗೆ ಈ ಬಾಲಕರು ಆಟವಾಡುತ್ತಿದ್ದಾಗ ಅವು ಸಿಡಿದವು. 

ಬಾಲಕ ಕೀರ್ತಿವಾಸನ್‌ ಅದಕ್ಕೆ ಬಲಿಯಾದ, ಯೋಗೇಶ್‌ ಗಂಭೀರ ಸ್ಥಿತಿಯಲ್ಲೀಗ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ ಎಂದು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿರುವ ಪೊಲೀಸರು ತಿಳಿಸಿದ್ದಾರೆ.