ಬಾಕ್ಸಿಂಗ್‌: ರಾಜ್ಯದ ಅಂಜುಗೆ ಬೆಳ್ಳಿ, ಭಾರತಕ್ಕೆ 12 ಪದಕ

ನವದೆಹಲಿ: ಸರ್ಬಿಯಾದಲ್ಲಿ ಮುಕ್ತಾಯಗೊಂಡ ಕಿರಿಯರ ಮಹಿಳಾ ಬಾಕ್ಸಿಂಗ್‌ ಕೂಟದಲ್ಲಿ ಭಾರತ ನಾಲ್ಕು ಚಿನ್ನದ ಪದಕ ಸೇರಿದಂತೆ ಒಟ್ಟಾರೆ 12 ಪದಕ ಗೆದ್ದಿದೆ.

ತಮನ್ನಾ (48ಕೆ.ಜಿ), ಅಂಬೆಶೋರಿ ದೇವಿ (57 ಕೆ.ಜಿ), ಪ್ರೀತಿ ದಹಿಯಾ (60 ಕೆ.ಜಿ), ಪ್ರಿಯಾಂಕ (66 ಕೆ.ಜಿ) ಕ್ರಮವಾಗಿ ಚಿನ್ನದ ಪದಕ ಗೆದ್ದರು.

ಕರ್ನಾಟಕ ಅಂಜು ದೇವಿ (50 ಕೆ.ಜಿ), ಸಿಮ್ರಾನ್‌ ವರ್ಮ (52 ಕೆ.ಜಿ), ಮಾನ್ಸಿ ದಲಾಲ್‌ (75 ಕೆ.ಜಿ) ಹಾಗೂ ತನಿಶ್‌ಬೀರ್‌ ಕೌರ್‌ ಸಂಧು (80 ಕೆ.ಜಿ) ವಿಭಾಗದಲ್ಲಿ ತಲಾ ಬೆಳ್ಳಿ ಪದಕ ಪಡೆದರು.

ಅಶ್ರೇಯಾ ನಾಯ್ಕ (63 ಕೆ.ಜಿ), ನೇಹಾ (54 ಕೆ.ಜಿ), ಖುಷಿ (70 ಕೆ.ಜಿ) ಹಾಗೂ ಅಲ್‌ಫಿಯಾ ಅಕ್ರಂ ಖಾನ್‌ (80 ಕೆ.ಜಿ) ವಿಭಾಗದಲ್ಲಿ ಕ್ರಮವಾಗಿ ಕಂಚಿನ ಪದಕ ಗೆದ್ದರು.