ಬಾಕ್ಸಮ್‌ ಬಾಕ್ಸಿಂಗ್‌ ‌: ಮೇರಿ ಕೋಮ್‌ಗೆ ಕಂಚು

ಹೊಸದಿಲ್ಲಿ: ಬಾಕ್ಸಮ್‌ ಬಾಕ್ಸಿಂಗ್‌ ಕೂಟದ ಸೆಮಿಫೈನಲ್‌ನಲ್ಲಿ ಸೋತ ಮೇರಿ ಕೋಮ್‌ (51 ಕೆ.ಜಿ.) ಕಂಚಿನ ಪದಕಕ್ಕೆ ತೃಪ್ತಿಪಟ್ಟಿದ್ದಾರೆ.

ಸತೀಶ್‌ ಕುಮಾರ್‌ (+91 ಕೆ.ಜಿ.), ಆಶಿಷ್‌ (75 ಕೆ.ಜಿ.) ಮತ್ತು ಸುಮಿತ್‌ ಸಂಗ್ವಾನ್‌ (81 ಕೆ.ಜಿ.) ಸೆಮಿ ಫೈನಲ್‌ ಪ್ರವೇಶಿಸಿ ಪದಕದ ನಿರೀಕ್ಷೆ ಮೂಡಿಸಿದ್ದಾರೆ.

ಸತೀಶ್‌ ಕುಮಾರ್‌ ಡೆನ್ಮಾರ್ಕ್‌ನ ಗಿವ್‌ಸ್ಕೋವ್‌ ನೀಲ್ಸೆನ್‌ ಅವರನ್ನು 5-0 ಅಂತರದಿಂದ, ಆಶಿಷ್‌ ಕುಮಾರ್‌ ಇಟಲಿಯ ರೆಮೊ ಸಲ್ವಾಟ್ಟಿ ಅವರನ್ನು 4-1 ಅಂತರದಿಂದ ಪರಾಭವಗೊಳಿಸಿದರು.

**

ಬಿಷನ್‌ ಸಿಂಗ್‌ ಬೇಡಿ ಚೇತರಿಕೆ
ಹೊಸದಿಲ್ಲಿ: ಭಾರತ ಕ್ರಿಕೆಟ್‌ ತಂಡದ ಮಾಜಿ ನಾಯಕ, ಲೆಜೆಂಡ್ರಿ ಸ್ಪಿನ್ನರ್‌ ಬಿಷನ್‌ ಸಿಂಗ್‌ ಬೇಡಿ ಅವರ ಆರೋಗ್ಯದಲ್ಲಿ ಚೇತರಿಕೆ ಕಂಡಿದ್ದು, ಅವರನ್ನು ಆಸ್ಪತ್ರೆಯ ಐಸಿಯುನಿಂದ ಖಾಸಗಿ ವಾರ್ಡ್‌ಗೆ ಸ್ಥಳಾಂತರಿಸಲಾಗಿದೆ.

ಕೆಲವು ದಿನಗಳ ಹಿಂದೆ ಬೇಡಿ ಅವರ ಮೆದುಳಿನಲ್ಲಿ ರಕ್ತ ಹೆಪ್ಪುಗಟ್ಟಿದ ಕಾರಣ ಹೊಸದಿಲ್ಲಿಯ ಆಸ್ಪತ್ರೆಯೊಂದಕ್ಕೆ ದಾಖಲಿಸಲಾಗಿತ್ತು. ಯಶಸ್ವಿ ಶಸ್ತ್ರಚಿಕಿತ್ಸೆಯೂ ನಡೆದಿತ್ತು.