IPL ಇಬ್ಬರೂ ದುಬಾರಿ ಆಟಗಾರರು ವಿಫ‌ಲ

ಕೋಲ್ಕತಾ: ಆಸ್ಟ್ರೇಲಿಯದ ವಿಶ್ವಕಪ್‌ ವಿಜೇತ ತಂಡದ ನಾಯಕ ಪ್ಯಾಟ್‌ ಕಮಿನ್ಸ್‌ ಮತ್ತು ಇದೇ ತಂಡದ ಎಡಗೈ ವೇಗಿ ಮಿಚೆಲ್‌ ಸ್ಟಾರ್ಕ್‌ ಈ ಐಪಿಎಲ್‌ನ ಅತ್ಯಂತ ದುಬಾರಿ ಮೊತ್ತದ ಆಟಗಾರರು. ಆದರೆ ಮೊದಲ ಪಂದ್ಯದಲ್ಲಿ ಇವರಿಬ್ಬರೂ ತಂಡದ ಪಾಲಿಗೆ ದುಬಾರಿಯಾಗಿಯೇ ಪರಿಣಮಿಸಿದರು.

ಕಮಿನ್ಸ್‌ ನಾಯಕತ್ವದ ಹೈದರಾಬಾದ್‌ ಮತ್ತು ಸ್ಟಾರ್ಕ್‌ ಅವರನ್ನೊಳಗೊಂಡ ಕೋಲ್ಕತಾ ಶನಿವಾರ ರಾತ್ರಿ ಪರಸ್ಪರ ಎದುರಾಗಿದ್ದವು. ಇವರಲ್ಲಿ ಸ್ಟಾರ್ಕ್‌ ತಮ್ಮ 4 ಓವರ್‌ಗಳ ಕೋಟಾದಲ್ಲಿ ಬರೋಬ್ಬರಿ 53 ರನ್‌ ಬಿಟ್ಟುಕೊಟ್ಟರು. ಇದರಲ್ಲಿ 6 ವೈಡ್‌ ಎಸೆತಗಳಿದ್ದವು. ವಿಕೆಟ್‌ ಉರುಳಿಸುವಲ್ಲಿ ವಿಫ‌ಲರಾದರು.

ಇನ್ನೊಂದೆಡೆ ಕಮಿನ್ಸ್‌ 4 ಓವರ್‌ಗಳಲ್ಲಿ 32 ರನ್‌ ನೀಡಿ ಒಂದೇ ವಿಕೆಟಿಗೆ ತೃಪ್ತರಾದರು. ಪಂದ್ಯದ ಅಂತಿಮ ಎಸೆತದಲ್ಲಿ ಗೆಲುವಿಗೆ 5 ರನ್‌ ಅಗತ್ಯವಿದ್ದಾಗ ಬ್ಯಾಟ್‌ ಹಿಡಿದು ಬಂದ ಕಮಿನ್ಸ್‌ಗೆ ಒಂದೂ ರನ್‌ ಗಳಿಸಲಾಗಲಿಲ್ಲ.