ಬೋರಿಸ್‌ ಬೆಕರ್‌ಗೆ ಎರಡೂವರೆ ವರ್ಷ ಜೈಲು ಶಿಕ್ಷೆ

ಲಂಡನ್‌: ಖ್ಯಾತ ಟೆನಿಸ್‌ ತಾರೆ ಬೋರಿಸ್‌ ಬೆಕರ್‌ ದಿವಾಳಿ ಎಂದು ಘೋಷಿಸಿದ ಬಳಿಕ ಅಕ್ರಮವಾಗಿ ದೊಡ್ಡ ಮೊತ್ತದ ಹಣ ವರ್ಗಾವಣೆ ಮತ್ತು ಆಸ್ತಿಗಳನ್ನು ಬಚ್ಚಿಟ್ಟಿದ್ದ ಕಾರಣಕ್ಕಾಗಿ ಅವರಿಗೆ ಎರಡೂವರೆ ವರ್ಷಗಳ ಜೈಲು ಶಿಕ್ಷೆಯನ್ನು ವಿಧಿಸಲಾಗಿದೆ.

ಮೂರು ಬಾರಿಯ ವಿಂಬಲ್ಡನ್‌ ಚಾಂಪಿಯನ್‌ ಆಗಿದ್ದ ಬೆಕರ್‌ ಈ ತಿಂಗಳ ಆರಂಭದಲ್ಲಿ ದಿವಾಳಿತನದ ಕಾಯ್ದೆಯಡಿ ನಾಲ್ಕು ಆರೋಪಗಳಲ್ಲಿ ದೋಷಿ ಎಂದು ಸಾಬೀತಾಯಿತು.

ಇದಕ್ಕಾಗಿ ಗರಿಷ್ಠ ಏಳು ವರ್ಷಗಳ ಶಿಕ್ಷೆಯನ್ನು ಎದುರಿಸುವ ಸಾಧ್ಯತೆಯಿತ್ತು. ಪ್ರಾಸಿಕ್ಯೂಟರ್‌ ಮತ್ತು ಬೆಕರ್‌ ಅವರ ವಾದವನ್ನು ಆಲಿಸಿದ ಬಳಿಕ ನ್ಯಾಯಾಧೀಶ ದೆಬೊರಾ ಟೇಲರ್‌ ಶಿಕ್ಷೆಯನ್ನು ಪ್ರಕಟಿಸಿದರು.