ವಾರ್ಡ್‌ 9ರಲ್ಲಿ ಕೊಳವೆ ಬಾವಿಗೆ ಚಾಲನೆ

ಶಹಾಬಾದ: ನಗರಸಭೆ ವ್ಯಾಪ್ತಿಯ ವಾರ್ಡ್‌ ನಂ.09ರಲ್ಲಿ ಸ್ಕಿಲ್‌ ಸಿಟಿ ಅನುದಾನದಲ್ಲಿ ವಿ.ಪಿ. ಚೌಕ್‌ದಲ್ಲಿ ಕೊಳವೆ ಬಾವಿ ತೋಡಿಸಲಾಯಿತು. ಸಿದ್ಧಣ್ಣ ಸ್ವಾಮಿ ಮುತ್ಯಾ ಪೂಜೆ ನೆರವೇರಿಸಿದರು.

ನಗರಸಭೆಯ ವಾರ್ಡ್‌ ನಂ.9ರ ಸದಸ್ಯರಾದ ಪಾರ್ವತಿ ಪವಾರ ಮಾತನಾಡಿ, ಕೊಳವೆ ಬಾವಿ ತೋಡಿದ ಪರಿಣಾಮ ಸುಮಾರು ಎರಡು ಇಂಚು ನೀರು ಬಂದಿದೆ. ಇದರಿಂದ ಇಲ್ಲಿನ ಜನರಿಗೆ ಬಹಳಷ್ಟು ಅನುಕೂಲವಾಗಲಿದೆ ಎಂದರು.

ನಗರಸಭೆ ಜೆಇ ಮೌಲಾಲಿ, ಪ್ರಮುಖರಾದ ರಾಜಾರಾಮ ಸಾಳೂಂಕೆ, ಸತೀಶ ಮಾವನೂರ, ಮಹಾದೇವ ಗೊಬ್ಬೂರಕರ, ಸಂಜಯ ವಿಟ್ಕರ್‌, ಸಂತೋಷ ಬಾಗಲಕೋಟ, ಬಸವರಾಜ ಕಾಕಡೆ, ಮಹೇಶ ಎಲ್ಲೇರಿ, ಪ್ರದೀಪ ಮಾನೆ, ಉದಯ, ಸಾಗರ, ಶಾಣಪ್ಪ, ಸಿದ್ಧಣ್ಣ ಕುಸಾಳೆ ಇತರರು ಈ ಸಂದರ್ಭದಲ್ಲಿ ಇದ್ದರು.