ಮುರಿದು ಬಿದ್ದ ನಟಿ ಕೀರ್ತಿ ಕುಲ್ಹಾರಿ ದಾಂಪತ್ಯ ಜೀವನ..!

ಮುಂಬೈ : ಬಾಲಿವುಡ್ ನಟಿ ಕೀರ್ತಿ ಕುಲ್ಹಾರಿ ಅವರ ದಾಂಪತ್ಯ ಜೀವನ ಮುರಿದು ಬಿದ್ದಿದೆ. ತನ್ನ ಗಂಡ ಹಾಗೂ ನಟ ಸಾಹಿಲ್ ಸೆಹ್ಗಲ್ ಅವರ ಜತೆಗಿನ ವೈವಾಹಿಕ ಸಂಬಂಧಕ್ಕೆ ನಟಿಮಣಿ ಫುಲ್‍ ಸ್ಟಾಪ್ ಹೇಳಿದ್ದಾರೆ.

2016 ರಲ್ಲಿ ಕೀರ್ತಿ ಹಾಗೂ ಸಾಹಿಲ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಕಳೆದ ಐದು ವರ್ಷಗಳಿಂದ ಈ ತಾರೆಯರ ಸಂಸಾರಿಕ ಜೀವನ ಸುಖಮಯವಾಗಿಯೆ ಸಾಗಿತ್ತು. ಆದರೆ, ಇದೀಗ ಏಕಾಏಕಿ ಪತಿಯಿಂದ ದೂರವಾಗುತ್ತಿರುವ ವಿಚಾರವನ್ನು ಕೀರ್ತಿ ಬಹಿರಂಗ ಪಡಿಸಿದ್ದು, ಅವರ ಆಪ್ತ ವಲಯ ಹಾಗೂ ಅಭಿಮಾನಿಗಳಲ್ಲಿ ಆಘಾತವನ್ನುಂಟು ಮಾಡಿದೆ.

ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ವಿಚ್ಛೇದನದ ಬಗ್ಗೆ ಹೇಳಿಕೊಂಡಿರುವ ಕೀರ್ತಿ, ಪರಸ್ಪರ ಸಮ್ಮತಿಯ ಮೇರೆಗೆ ನಾವಿಬ್ಬರು ಬೇರೆ ಬೇರೆಯಾಗುತ್ತಿದ್ದೇವೆ. ಇದು ಕೇವಲ ಪೇಪರ್ ಮೇಲೆ ( ಡಿವೋರ್ಸ್ ಪತ್ರ) ಅಲ್ಲ, ನಿಜ ಜೀವನದಲ್ಲಿಯೂ ದೂರಾಗುತ್ತಿದ್ದೇವೆ ಎಂದು ಹೇಳಿಕೊಂಡಿದ್ದಾರೆ. ಇವರ ದಾಂಪತ್ಯದಲ್ಲಿ ಬಿರುಕು ಮೂಡಲು ಕಾರಣ ಏನು ಎಂಬುದು ತಿಳಿದು ಬಂದಿಲ್ಲ.

 

ಇನ್ನು ಕೀರ್ತಿ ಕುಲ್ಹಾರಿ ಫೋರ್ ಮೋರ್ ಶಾಟ್ಸ್ ಪ್ಲೀಸ್ ಹಾಗೂ ಬಾರ್ಡ್ ಆಫ್ ಬ್ಲಡ್ ಸೇರಿದಂತೆ ಹಲವು ವೆಬ್ ಸಿರೀಸ್‍ಗಳಲ್ಲಿ ನಟಿಸಿದ್ದಾರೆ.