ನಟಿ ಐಶ್ವರ್ಯಾ ರೈ, ಪುತ್ರಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್‌

ಮುಂಬಯಿ: ಕೋವಿಡ್ 19 ಸೋಂಕಿನಿಂದ ಗುಣಮುಖವಾಗಿರುವ ಬಾಲಿವುಡ್‌ ನಟಿ ಐಶ್ವರ್ಯಾ ರೈ ಹಾಗೂ ಅವರ ಪುತ್ರಿ ಆರಾಧ್ಯಾ ಸೋಮವಾರ ನಾನಾವತಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.

ಸೋಂಕು ಪತ್ತೆ ಪರೀಕ್ಷೆಯಲ್ಲಿ ನೆಗೆಟಿವ್‌ ವರದಿ ಬಂದಿರುವುದರಿಂದ ಅವರನ್ನು ಆಸ್ಪತ್ರೆಯಿಂದ ಡಿಸ್ಚಾರ್ಜ್‌ ಮಾಡಲಾಗಿದೆ.

ಉಸಿರಾಟ ಸಮಸ್ಯೆ ಉಂಟಾದ ಕಾರಣ 17ರಂದು ಐಶ್ವರ್ಯಾ, ಆರಾಧ್ಯಾ ಆಸ್ಪತ್ರೆಗೆ ದಾಖಲಾಗಿದ್ದರು.

ತಂದೆಯ ನೆನೆಕೆ: ಇದೇ ವೇಳೆ ಚಿಕಿತ್ಸೆ ಪಡೆಯುತ್ತಿರುವ ಅಮಿತಾಭ್‌ ಬಚ್ಚನ್‌, ತಮ್ಮ ತಂದೆ, ಪ್ರಸಿದ್ಧ ಬರಹಗಾರ ಡಾ| ಹರಿವವಂಶನ್ ಬಚ್ಚನ್‌ರನ್ನು ನೆನಪಿಸಿಕೊಂಡಿದ್ದಾರೆ.

ಅವರ ತಂದೆಯ ಕವಿತೆಯನ್ನು ಟ್ವೀಟ್‌ ಮಾಡಿದ ಅವರು, “ನನ್ನ ತಂದೆಯ ಕವಿತೆಯ ಕೆಲ ಕ್ಷಣಗಳು. ಅವರು ಕವಿತೆಗಳನ್ನು ಹಾಡುತ್ತಿದ್ದರು. ಆಸ್ಪತ್ರೆಯ ಒಂಟಿತನದಲ್ಲಿ ಅವರನ್ನು ನಾನು ತುಂಬಾ ಮಿಸ್‌ ಮಾಡಿಕೊಳ್ಳುತ್ತಿದ್ದೇನೆ’ ಎಂದು ಹೇಳಿದ್ದಾರೆ.