Advertisement
ಮೀನುಗಾರರ ಮನವಿಗೆ ಮೇರೆಗೆ ಮೀನುಗಾರಿಕೆ ಬಂದರೂ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಹಾಗೂ ಜನಪ್ರತಿನಿಧಿಗಳು, ಅಧಿಕಾರಿಗಳು, ಮೀನುಗಾರಿಕ ಮುಖಂಡರ ಪ್ರಯತ್ನದ ಫಲವಾಗಿ ಕೇರಳ ಸರಕಾರದ ಜತೆ ಮಾತುಕತೆ ನಡೆಸಿ 37 ಬೋಟ್‌ ಗಳನ್ನು ಕರೆತರಲು ಗುರುವಾರ ಹಂಗಾರಕಟ್ಟೆ ತೆರಳಿದರು. ಅದರಂತೆ ಶನಿವಾರ ಕೇರಳದಿಂದ ಹಿಂದಿರುಗಿ ಹಂಗಾರಕಟ್ಟೆ ಹಾಗೂ ಗಂಗೊಳ್ಳಿಗೆ ತಲುಪಲಾಯಿತು.
48 ದಿನಗಳ ಅನಂತರ ಮೀನುಗಾರಿಕಾ ಬೋಟ್‌ ಯಶಸ್ವಿಯಾಗಿ ಹಿಂತಿರುಗಿ ತಮ್ಮ ಊರುಗಳಿಗೆ ಮರಳುವಲ್ಲಿ ಸಹಕಾರ ನೀಡಿದ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಹಾಗೂ ಮಾಜಿ ಸಚಿವ ಜಯಪ್ರಕಾಶ್‌ ಹೆಗ್ಡೆ, ಮೀನುಗಾರ ಮುಖಂಡರಾದ ಯಶ್‌ಪಾಲ್‌ ಸುವರ್ಣ ಹಾಗೂ ಉಡುಪಿ ಚಿಕ್ಕಮಗಳೂರು ಕ್ಷೇತ್ರದ ಸಂಸದರು, ಜಿಲ್ಲೆಯ ಎಲ್ಲಾ ಶಾಸಕರು, ಇಲಾಖೆಯ ಅಧಿಕಾರಿಗಳು, ಮೀನುಗಾರ ಮುಖಂಡರಿಗೆ ಬೋಟ್‌ಗಳ ಮಾಲಕರು ಧನ್ಯವಾದ ಸಲ್ಲಿಸಿದ್ದಾರೆ. ಕರಾವಳಿ ಕಾವಲು ಪಡೆಯ ಎಸ್‌.ಐ ವಾಸಪ್ಪ ನಾಯ್ಕ,ಕೆ.ಎನ್‌.ಡಿ. ಸಿಬಂದಿ ಗಂಗಾಧರ್‌ , ಮೀನುಗಾರ ಪ್ರಮುಖರಾದ ಸಂದೀಪ್‌ ಕುಂದರ್‌ ಕೋಡಿ, ಶೇಖರ ಮೆಂಡನ್‌, ಗಣೇಶ್‌ ಬಂಗೇರ, ಶಂಕರ ಮರಕಾಲ ಮತ್ತಿತರರು ಉಪಸ್ಥಿತರಿದ್ದರು.