ಬ್ಲೂವೇಲ್‌ ಆಟಕ್ಕೆ ಮತ್ತೂಬ್ಬ ಬಾಲಕ ಬಲಿ?

ಲಕ್ನೋ: ಉತ್ತರಪ್ರದೇಶದ 14 ವರ್ಷ ವಯಸ್ಸಿನ ಬಾಲಕನೊಬ್ಬ ತನ್ನ ಮನೆಯ ಕೋಣೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಸಾವಿನ ಕೂಪಕ್ಕೆ ತಳ್ಳುವ ಆನ್‌ಲೈನ್‌ ಆಟ ಬ್ಲೂವೇಲ್‌ ಗೇಮ್‌ಗೆ ಈ ಬಾಲಕ ಬಲಿಯಾಗಿರುವ ಶಂಕೆಗಳು ವ್ಯಕ್ತವಾಗಿವೆ. ಹೀಗಾಗಿ, ಪೊಲೀಸರು ಬ್ಲೂವೇಲ್‌ ಗೇಮ್‌ ಆಯಾಮದಲ್ಲೂ ತನಿಖೆ ನಡೆಸುತ್ತಿದ್ದಾರೆ. ಮೃತ ಬಾಲಕ ಆದಿತ್ಯ ವರ್ಧನ್‌ ಕಳೆದ 2 ವಾರಗಳಿಂದ ಆನ್‌ಲೈನ್‌ ಆಟ ಆಡುತ್ತಿದ್ದ ಮತ್ತು ಆತಂಕಗೊಂಡವನಂತೆ ಕಾಣುತ್ತಿದ್ದ ಎಂದು ಆತನ ಸ್ನೇಹಿತರು ಹೇಳಿದ್ದಾರೆೆ. ಈ ಹಿನ್ನೆಲೆಯಲ್ಲಿ ಬ್ಲೂವೇಲ್‌ ಗೇಮ್‌ ನಿಗ್ರಹದ ಕುರಿತು ಶಾಲೆ ಆಡಳಿತಗಳಿಂದ ಹೇಳಿಕೆ ಪಡೆಯಬೇಕೆಂದು ಅಧಿಕಾರಿಗಳಿಗೆ ಪೊಲೀಸ್‌ ಮಹಾನಿರ್ದೇಶಕರು ನಿರ್ದೇಶನವನ್ನೂ ನೀಡಿದ್ದಾರೆ.