Blink movie review; ಸಮಯದ ಹಿಂದೆ ಸವಾರಿ…

ಒಂದು ಸಾಮಾನ್ಯ ಹುಡುಗ. ಆತನಿಗೆ ಆತನದ್ದೇ ಒಂದು ಕನಸಿದು. ಆ ಲೋಕದಲ್ಲಿ ಆತ ಸುಖೀ.. ಹೀಗಿರುವಾಗಲೇ ಟೈಮ್‌ ಟ್ರಾವೆಲಿಂಗ್‌ ಎಂಬ ವಿಚಿತ್ರ ಜಗತ್ತು ತೆರೆದುಕೊಳ್ಳುತ್ತದೆ. ಅಲ್ಲಿಂದ ಎಲ್ಲವೂ ಬದಲಾಗುತ್ತಾ ಹೋಗುತ್ತದೆ. ಆತನಿಗೂ, ಪ್ರೇಕ್ಷಕನಿಗೂ ಸಿನಿಮಾ ಹೊಸ ಅನುಭವ ಕೊಡುತ್ತದೆ.

ಈ ವಾರ ತೆರೆಗೆ ಬಂದಿರುವ “ಬ್ಲಿಂಕ್‌’ ಸಿನಿಮಾ ಹೊಸಬರ ಪ್ರಯತ್ನವಾಗಿ ಗಮನ ಸೆಳೆಯುತ್ತದೆ. ಇದು ರಂಗಭೂಮಿ ಹುಡುಗರ ಕನಸು. ಸಿನಿಮಾದ ಆರಂಭದಿಂದಲೂ ರಂಗಭೂಮಿಯ ಎಳೆಯೊಂದು ಸಾಗಿ ಬಂದು ಕೊನೆಗೆ ಸ್ಪಷ್ಟ ಚಿತ್ರಣ ನೀಡುತ್ತದೆ.

ಮುಖ್ಯವಾಗಿ ಒಬ್ಬ ಸಾಧಾರಣ ಹುಡುಗನ ಜೀವನದಲ್ಲಿನ ಎದುರಾಗುವ ಘಟನೆಗಳು, ಆಯಾಮಗಳು ಸಿನಿಮಾದ ಜೀವಾಳ. ಇಡೀ ಕಥೆಯನ್ನು ತುಂಬಾ ಸೂಕ್ಷ್ಮವಾಗಿ ಕಟ್ಟಿಕೊಟ್ಟಿರುವುದು ನಿರ್ದೇಶಕರ ಜಾಣ್ಮೆ.

ಚಿತ್ರದಲ್ಲಿ ದೀಕ್ಷಿತ್‌ ಶೆಟ್ಟಿ, ಮಂದಾರ ಬಟ್ಟಲಹಳ್ಳಿ, ಚೈತ್ರಾ ಜೆ. ಆಚಾರ್‌, ವಜ್ರಧೀರ್‌ ಜೈನ್‌, ಗೋಪಾಲಕೃಷ್ಣ ದೇಶಪಾಂಡೆ, ಕಿರಣ್‌ ನಾಯ್ಕ, ಮುರುಳಿ ಶೃಂಗೇರಿ, ಸುರೇಶ್‌ ಅನಗಹಳ್ಳಿ ಮತ್ತಿತರರು ಸಿನಿಮಾದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ಪ್ರಸನ್ನ ಕುಮಾರ್‌ ಅವರ ಹಿನ್ನೆಲೆ ಸಂಗೀತ ಕಥೆಗೆ ಓಘ ಹೆಚ್ಚಿಸಿದೆ.