ಹೂಗ್ಲಿ ಜಿಲ್ಲೆಯ ಆರಾಮಬಾಗ್‌ನಲ್ಲಿ 7,200 ಕೋಟಿ ರೂ. ಮೊತ್ತದ ಯೋಜನೆಗಳಿಗೆ ಮೋದಿ ಶಿಲಾನ್ಯಾಸ, ಉದ್ಘಾಟನೆ ನೆರವೇರಿಸಿದ ಬಳಿಕ, ಸಾರ್ವಜನಿಕ ಸಮಾರಂಭದಲ್ಲಿ ಮಾತನಾಡಿದ ಮೋದಿ, ಬಂಗಾಳದ ಜನರು ತಮಗಾದ ಗಾಯಕ್ಕೆ ಮತಗಳ ಮೂಲಕ ಉತ್ತರ ನೀಡಲಿದ್ದಾರೆ ಎಂದು ಹೇಳುವ ಮೂಲಕ ಚುನಾವಣಾ ಕಹಳೆಯನ್ನು ಮೊಳಗಿಸಿದರು.
Advertisement
“ಮಾ, ಮಾತಿ, ಮಾನುಷ’ ಎಂದು ಎದೆ ತಟ್ಟಿಕೊಳ್ಳುವ ಟಿಎಂಸಿ ಸಂದೇಶ್‌ಖಾಲಿ ದೌರ್ಜ ನ್ಯವನ್ನು ಇಡೀ ದೇಶವು ಆಕ್ರೋಶದಿಂದ ನೋಡುತ್ತಿದೆ ಎಂದರು. ಇದಕ್ಕೂ ಮುನ್ನ ಜಾರ್ಖಂಡ್‌ನಲ್ಲಿ 35,700 ಕೋಟಿ ರೂ.ಯೋಜನೆಗಳಿಗೆ ಶಿಲಾನ್ಯಾಸ ನೆರವೇರಿಸಿದರು.
ಕಳೆದ 10 ವರ್ಷಗಳಲ್ಲಿ 25 ಕೋಟಿ ಜನರು ಬಡತನದಿಂದ ಹೊರ ಬಂದಿದ್ದಾರೆ. ಇದು ಸರ್ಕಾರದ ಉದ್ದೇಶವು ಸರಿಯಾಗಿದೆ ಎಂಬುದನ್ನು ಸಾಬೀತುಪಡಿಸಿದೆ. ನಮ್ಮ ಸರ್ಕಾರ ಸಾಗುತ್ತಿರುವ ದಾರಿ, ಕೈಗೊಳ್ಳುತ್ತಿ ರುವ ನೀತಿಗಳು, ನಿರ್ಧಾರಗಳು ಮತ್ತು ಮುಖ್ಯವಾಗಿ ನಮ್ಮ ಉದ್ದೇಶವು ಸರಿ ಯಾಗಿದೆ ಎಂಬುದನ್ನು ಈ ಸಾಧನೆ ಸಾದರ ಪಡಿಸುತ್ತದೆ ಎಂದು ಪ್ರಧಾನಿ ಹೇಳಿದರು.