ಸರ್ಕಾರಿ ಶಾಲೆಯ ಧ್ವಜ ಸ್ಥಂಭದಲ್ಲಿ ಬಿಜೆಪಿ ಧ್ವಜ! ; ಏನಿದು ಯಡವಟ್ಟು?

ಬಸವನಬಾಗೇವಾಡಿ : ಇಲ್ಲಿನ ಗಣಿ ಗ್ರಾಮದ ಸರ್ಕಾರಿ ಶಾಲೆಯ ಧ್ವಜಸ್ಥಂಭದಲ್ಲಿ ಬಿಜೆಪಿ ಧ್ವಜವನ್ನು ಹಾರಿಸಿ ಯಡವಟ್ಟುಮಾಡಲಾಗಿದೆ. 

ಬಸವನ ಬಾಗೇವಾಡಿಯ ಮಂಡಳ ಕಾರ್ಯಕಾರಿಣಿ ಸಭೆ ನಡೆಯುತ್ತಿದ್ದ ವೇಳೆ ಗಣಿ ಶಾಲೆಯಲ್ಲಿ ಈ ಯಡವಟ್ಟು ನಡೆದಿದೆ. ಸಮಾರಂಭದಲ್ಲಿ ವಿಧಾನಪರಿಷತ್‌ ವಿಪಕ್ಷ ನಾಯಕ ಕೆ.ಎಸ್‌.ಈಶ್ವರಪ್ಪ, ಮಾಜಿ ಸಚಿವ ಎಸ್‌.ಕ. ಬೆಳ್ಳುಬ್ಬಿ ಭಾಗಿಯಾಗಿದ್ದರು.

ಗ್ರಾಮಪಂಚಾಯತ್‌ ಅಧ್ಯಕ್ಷೆಯ ಸೂಚನೆಯ ಮೇರೆಗೆ ಬಿಜೆಪಿ ಕಾರ್ಯಕರ್ತನೊಬ್ಬ ಉತ್ಸಾಹದಲ್ಲಿ ಶಾಲೆಯ ಆವರಣದಲ್ಲಿ ಧ್ವಜ ಹಾರಿದ್ದಾನೆ ಎಂದು ವರದಿಯಾಗಿದೆ.

ಈ ಬಗ್ಗೆ ಗ್ರಾಮಸ್ಥರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದು , ಶಾಲಾ ಆವರಣಕ್ಕೆ ರಾಜಕೀಯ ತಂದದ್ದೇಕೆ ಎಂದು ಪ್ರಶ್ನಿಸಿದ್ದಾರೆ. ಇದರ ವಿರುದ್ಧ ಕ್ರಮಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.