BJP;ಉದ್ಯೋಗ, ಪಂಡಿತರ ಸುರಕ್ಷೆ: ಕಾಶ್ಮೀರ ಪ್ರಣಾಳಿಕೆಯಲ್ಲಿ ಉಲ್ಲೇಖ?

ಹೊಸದಿಲ್ಲಿ: ಈ ತಿಂಗಳ 18ರಿಂದ ಜಮ್ಮು-ಕಾಶ್ಮೀರ ಚುನಾವಣೆ ನಡೆಯಲಿದ್ದು, ಬಿಜೆಪಿ ಶುಕ್ರವಾರ ಪ್ರಣಾಳಿಕೆ ಬಿಡುಗಡೆ ಮಾಡುವ ಸಾಧ್ಯತೆ ಇದೆ. 2019ರಲ್ಲಿ ಸಂವಿಧಾನದ ವಿಶೇಷ ಸ್ಥಾನಮಾನ ಹಿಂಪಡೆದ ಬಳಿಕ ಇಲ್ಲಿ ಉಂಟಾದ ಅಭಿವೃದ್ಧಿ, ಹೆಚ್ಚಿದ ಪ್ರವಾಸಿಗರ ಸಂಖ್ಯೆ, ಮಹಿಳಾ ಸಶಕ್ತೀಕರಣ, ಯುವಕರಿಗೆ ಉದ್ಯೋಗಾವಕಾಶ, ಕಾಶ್ಮೀರಿ ಪಂಡಿತರ ಸುರಕ್ಷೆ ಅಂಶಗಳು ಪ್ರಣಾಳಿಕೆಯಲ್ಲಿ ಇರುವ ಸಾಧ್ಯತೆ ಇದೆ. “ನವ ಕಾಶ್ಮೀರ’ ಪರಿಕಲ್ಪನೆಯ ಪ್ರಣಾಳಿಕೆಯನ್ನು ಕೇಂದ್ರ ಸಚಿವ ಅಮಿತ್‌ ಶಾ ಬಿಡುಗಡೆ ಮಾಡಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಜತೆಗೆ ಶುಕ್ರವಾರ ಅವರು ಅಭ್ಯರ್ಥಿಗಳ ಪರ ಪ್ರಚಾರ ನಡೆಸಲಿದ್ದು, ಮುಂದಿನ ವಾರ ಪ್ರಧಾನಿ ರ್‍ಯಾಲಿಗಳಿವೆ.