ಬಿಜೆಪಿ ಅಭ್ಯರ್ಥಿಗೆ 89 ಕೋ.ರೂ. ಸಾಲ!

ಮುಂಬಯಿ: ಮಾಡಾ ಲೋಕಸಭೆ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿ ನೇಮಿಸಿದ ರಣಜಿತ್‌ ಸಿನ್ಹ್‌ ನಾಯ್ಕ ನಿಂಬಾಳ್ಕರ್‌ ಅವರು ಕುಟುಂಬದ ಹೆಸರಿನಲ್ಲಿ ಸುಮಾರು 120.32 ಕೋಟಿ ರೂ. ಆಸ್ತಿ ಹೊಂದಿದ್ದಾರೆ. ಇಷ್ಟೊಂದು ಸಂಪತ್ತನ್ನು ಹೊಂದಿದ ರಣ್‌ಜಿತ್‌ ಸಿನ್ಹ್‌ ನಾಯ್ಕ ನಿಂಬಾಳ್ಕರ್‌ ಅವರು ವಿವಿಧ ಬ್ಯಾಂಕ್‌ಗಳಿಂದ 89 ಕೋ. ರೂ.ಗಳಷ್ಟು ಸಾಲ ಹೊಂದಿದ್ದಾರೆ.

ರಣ್‌ಜಿತ್‌ಸಿನ್ಹ್‌ ನಾಯ್ಕ ನಿಂಬಾಳ್ಕರ್‌ ಅವರು, ಸತಾರ ಜಿಲ್ಲೆಯ ನಿವಾಸಿ ಆಗಿದ್ದಾರೆ. ಅವರು ಎ. 1ರಂದು ತನ್ನ ನಾಮಪತ್ರ ಸಲ್ಲಿಸಿದರು. ಈ ವೇಳೆ ಅವರು ಸಲ್ಲಿಸಿದ ಅಫಿದವಿತ್‌ನಲ್ಲಿ ಅವರು ತಮ್ಮ ಸಂಪತ್ತಿಯ ಬಗ್ಗೆ ವಿವರ ನೀಡಿದರು. 2014ರಲ್ಲಿ ರಣ್‌ಜಿತ್‌ಸಿನ್ಹ್‌ ನಾಯ್ಕ ನಿಂಬಾಳ್ಕರ್‌ ಅವರು ಸುಮಾರು 61.53 ಲಕ್ಷ ಗಳಷ್ಟು ಆರ್ಥಿಕ ಉತ್ಪನ್ನ ಹೊಂದಿದ್ದರು. ಅದೇ 2019ರಲ್ಲಿ 3.63ಕೋ.ರೂಗಳಿಗೆ ತಲುಪಿದೆ. ಅಂದರೆ ಸಂಪತ್ತಿನಲ್ಲಿ 3 ಕೋ.ರೂ.ಗಳಷ್ಟು ಹೆಚ್ಚಳಿಕೆ.

ಕೃಷಿ ಭೂಮಿ, ಮನೆ, ಉದ್ಯೋಗ ಕಟ್ಟಡ, ಕಾರ್ಖಾನೆ ಒಟ್ಟು ಸೇರಿ 64.60 ಕೋ. ರೂ.ಗಳಷ್ಟು ಆಸ್ತಿ ಹೊಂದಿದ್ದಾರೆ. ಅದರಲ್ಲಿ ಪತ್ನಿಯ ಹೆಸರಿನಲ್ಲಿ 10.12 ಕೋ. ರೂ.ಗಳಷ್ಟು, ಮಗ ತಾರಾರಾಜೇ ಹೆಸರಿನಲ್ಲಿ 3.26 ಕೋ. ರೂ.ಗಳಷ್ಟು ಮತ್ತು ಇಂದ್ರರಾಜೇ ಹೆಸರಿನಲ್ಲಿ 3.24 ಕೋ. ರೂ.ಗಳಷ್ಟು ಸಂಪತ್ತು ಹೊಂದಿದ್ದಾರೆ. ಅದಲ್ಲದೆ. ನಿಂಬಾಳ್ಕರ್‌ ಅವರ ಸಂಪತ್ತಿನಲ್ಲಿ ಮರ್ಸಿಡಿಸ್‌ ಬೆಂಜ್‌, ಫಾರ್ಚುನರ್‌ ಸೇರಿದಂತೆ 6 ಕಾರುಗಳು ಸೇರಿವೆ. 1 ಕೆ.ಜಿ.ಗಿಂತ ಹೆಚ್ಚು ಚಿನ್ನ ವನ್ನು ಹೊಂದಿದ್ದಾರೆ.