ಬಂಟ್ವಾಳ ಮುಡಿಪುವಿನಲ್ಲಿ ಹಾಡುಹಗಲೇ ಕಾಣಿಸಿಕೊಂಡ ಕಾಡುಕೋಣ

ಬಂಟ್ವಾಳ: ಕಾಡಿನಲ್ಲಿರಬೇಕಾದ ಭಾರಿ ಗಾತ್ರದ ಕಾಡುಕೋಣವೊಂದು ಹಾಡುಹಗಲೇ ನಾಡಿನಲ್ಲಿ ರಾಜಾರೋಷವಾಗಿ ಓಡಾಡುತ್ತಿದೆ.  ಮುಡಿಪು ಸಮೀಪದ ಮೂಳೂರು ಪ್ರದೇಶದಲ್ಲಿ ಕಾಣಿಸಿಕೊಂಡ ಕಾಡುಕೋಣವೊಂದು ಈಗ ಜನರ ಆತಂಕಕ್ಕೆ ಕಾರಣವಾಗಿದೆ.

ಇಲ್ಲಿನ ಮುಡಿಪು – ಇರಾ ಸಂಪರ್ಕಿಸುವ ಮೂಳೂರು ರಸ್ತೆಯ ಕೈಗಾರಿಕಾ ಪ್ರದೇಶದ ಬಳಿಯಲ್ಲಿ ಈ ಭಾರಿ ಗಾತ್ರದ ಕಾಡುಕೋಣ ಕಾಣಿಸಿಕೊಂಡಿದೆ. ಇಲ್ಲಿ ರಸ್ತೆ ಕಾಮಗಾರಿ ನಡೆಯುತ್ತಿದ್ದು, ಒಂಟಿ ಕಾಡುಕೋಣ ರಸ್ತೆ ದಾಟಿ ಹತ್ತಿರದ ಕಾಡಿಗೆ ಸೇರಿದೆ.

ಹೀಗೆ ಹಾಡುಹಗಲೇ ರಾಜಾರೋಷವಾಗಿ ತಿರುಗಾಟ ನಡೆಸುತ್ತಿರುವ ಕಾಡುಕೋಣ ಕಂಡ ಜನರು ಆತಂಕಕ್ಕೆ ಒಳಗಾಗಿದ್ದಾರೆ.