8ನೇ ಕೋಟಿ ಎಲ್ಪಿಜಿ ಸಿಕ್ಕವಳಿಗೆ ಬಿರಿಯಾನಿ ಆಸೆ!

ಮುಂಬಯಿ:ಪ್ರಧಾನ ಮಂತ್ರಿ ಉಜ್ವಲ ಯೋಜನೆ ಅಡಿಯಲ್ಲಿ 8 ಕೋಟಿ ಎಲ್ಪಿಜಿ ಸಂಪರ್ಕವನ್ನು ಉಚಿತವಾಗಿ ಒದಗಿಸಲಾಗಿದ್ದು, ಈ ಪೈಕಿ ಕೊನೆಯ ಅಂದರೆ 8ನೇ ಕೋಟಿ ಸಂಪರ್ಕವನ್ನು ಮಹಾರಾಷ್ಟ್ರದ ಔರಂಗಾಬಾದ್‌ನಲ್ಲಿನ ಕುಟುಂಬಕ್ಕೆ ಪ್ರಧಾನಿ ನರೇಂದ್ರ ಮೋದಿ ಎಲ್ಪಿಜಿ ಸಂಪರ್ಕ ವನ್ನು ಹಸ್ತಾಂತ ರಿಸಿದ್ದಾರೆ.

ಶನಿವಾರ ಔರಂಗಾಬಾದ್‌ನಲ್ಲಿ ಈ ಕಾರ್ಯಕ್ರಮ ನಡೆದಿದ್ದು, ಇದರ ಫ‌ಲಾನುಭವಿ ಆಯೇಶಾ ಮತ್ತು ರಫೀಕ್‌ ಶೇಖ್‌. ಎಲ್ಪಿಜಿ ಸಂಪರ್ಕ ಪಡೆಯುತ್ತಿದ್ದಂತೆ ಮೊದಲು ನಾನು ಬಿರಿಯಾನಿ ತಯಾರಿಸಬೇಕು ಎಂದು ಆಯೇಶಾ ಹೇಳಿಕೊಂಡಿದ್ದಾರೆ. ಈ ಎಲ್ಪಿಜಿಯಿಂದಾಗಿ ನಾನು ಬೇಗ ಕೆಲಸಕ್ಕೆ ಹೋಗಬಹುದು. ಹೆಚ್ಚು ಹೊತ್ತು ಕೆಲಸ ಮಾಡಬಹುದು. ಅಡುಗೆ ಕೆಲಸ ಬೇಗ ಮುಗಿಸಬಹುದಾಗಿದೆ ಎಂದಿದ್ದಾರೆ. ಕೂಲಿ ಕೆಲಸ ಮಾಡಿ ಜೀವನ ಸಾಗಿಸುತ್ತಿರುವ ದಂಪತಿ, ಎಲ್ಪಿಜಿ ಸಂಪರ್ಕದಿಂದ ಖುಷಿಗೊಂಡಿದ್ದಾರೆ.