ಮೈಕ್ರೋಸಾಫ್ಟ್ ನ ಜವಾಬ್ದಾರಿ ತ್ಯಜಿಸಿದ ಬಿಲ್‌ ಗೇಟ್ಸ್‌

ಸ್ಯಾನ್‌ ಫ್ರಾನ್ಸಿಸ್ಕೊ: ಮೈಕ್ರೋಸಾಫ್ಟ್ ಸಹ ಸಂಸ್ಥಾಪಕ ಬಿಲ್‌ ಗೇಟ್ಸ್‌ ಸಂಸ್ಥೆಯ ನಿರ್ದೇಶಕರ ಮಂಡಳಿಯಿಂದ ಕೆಳಗಿಳಿದಿದ್ದು, ಪೂರ್ಣ ಪ್ರಮಾಣದ ಸಮಾಜಸೇವೆಯಲ್ಲಿ ತೊಡಗಿಕೊಳ್ಳಲಿದ್ದಾರೆ ಎಂದು ಸಂಸ್ಥೆ ತಿಳಿಸಿದೆ. ದಶಕದ ಹಿಂದೆಯೇ ಅಧ್ಯಕ್ಷ ಹುದ್ದೆಯಿಂದ ಕೆಳಗಿಳಿದಿದ್ದ ಅವರು ಸಂಸ್ಥೆಯ ದೈನಂದಿನ ಚಟುವಟಿಕೆಗಳಿಂದ ದೂರ ಉಳಿದಿದ್ದರು. ಶುಕ್ರವಾರ ನಿರ್ದೇಶಕರ ಮಂಡಳಿಯಲ್ಲಿನ ಸ್ಥಾನವನ್ನೂ ತ್ಯಜಿಸಿದ್ದು, ಪತ್ನಿ ಮೆಲಿಂದಾ ಜತೆ ಸ್ಥಾಪಿಸಿರುವ ಪ್ರತಿಷ್ಠಾನದ ಮೂಲಕ ಸಾಮಾಜಿಕ ಕಾರ್ಯಗಳಲ್ಲಿ ತೊಡಗಿಕೊಳ್ಳಲಿದ್ದಾರೆ.