ಕೋಲಾಹಲದ ನಡುವೆ ವಿಶ್ವಾಸಮತ ಗೆದ್ದ ನಿತೀಶ್‌,131 ಶಾಸಕರ ಬೆಂಬಲ 

ಪಾಟ್ನಾ: ಎನ್‌ಡಿಎಗೆ ವಾಪಾಸಗಿ  ಗುರುವಾರ ಪ್ರಮಾಣ ವಚನ ಸ್ವೀಕರಿಸಿದ್ದ ಬಿಹಾರ ಮುಖ್ಯಮಂತ್ರಿ ನಿತೀಶ್‌ ಕುಮಾರ್‌ ಅವರು ಶುಕ್ರವಾರ ವಿಧಾನಸಭೆಯಲ್ಲಿ ವಿಶ್ವಾಸ ಮತ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ. 

ಆರ್‌ಜೆಡಿ ಮತ್ತು ಕಾಂಗ್ರೆಸ್‌ ಶಾಸಕರ ತೀವ್ರ ಗದ್ದಲ, ಕೋಲಾಹಲದ ನಡುವೆ ಧ್ವನಿಮತದ ಮೂಲಕ ವಿಶ್ವಾಸಮತ ಸಾಬೀತು ಪಡಿಸಿದರು. ನಿತೀಶ್‌ ಅವರಿಗೆ ಎನ್‌ಡಿಎ ಬೆಂಬಲಿತ 131 ಶಾಸಕರು ಬೆಂಬಲ ಸೂಚಿಸಿದರು. ಆರ್‌ಜೆಡಿ -ಕಾಂಗ್ರೆಸ್‌ ಮೈತ್ರಿಕೂಟಕ್ಕೆ 108 ಶಾಸಕರ ಬೆಂಬಲ ದೊರಕಿತು. 

ವಿಶ್ವಾಸ ಮತ ಸಾಬೀತು ಪಡಿಸಿದ ಬಳಿಕ ಕಿಡಿ ಕಾರಿದ ನಿತೀಶ್‌ ಜಾತ್ಯಾತೀತವಾದ ಭ್ರಷ್ಟಾಚಾರವನ್ನು ಮುಚ್ಚಿ ಹಾಕುವುದಿಲ್ಲ ಎಂದು ಲಾಲೂಗೆ ಟಾಂಗ್‌ ನೀಡಿದರು.