Bihar; ಮತ್ತೊಂದು ಸೇತುವೆ ಕುಸಿತ: ನಾಲ್ಕು ತಿಂಗಳಲ್ಲಿ 17ನೇ ಪ್ರಕರಣ

ಪಟ್ನಾ: ಬಿಹಾರದಲ್ಲಿ ಸೇತುವೆಗಳ ಕುಸಿತದ ಸರಣಿ ಮುಂದುವರಿದಿದ್ದು, ನಿರ್ಮಾಣ ಹಂತದ ಸೇತುವೆಯ ಭಾಗವೊಂದು ಪಟ್ನಾ ಜಿಲ್ಲೆಯಲ್ಲಿ ಕುಸಿದಿದೆ. ಭಕ್ತಿಯಾರ್‌ಪುರ-ತಾಜ್‌ಪುರ ಗಂಗಾ ಮಹಾಸೇತುವಿನ ಗರ್ಡರ್‌ಗಳಲ್ಲಿನ ಬೇರಿಂಗ್‌ಗಳನ್ನು ಬದಲಿಸುವ ಸಂದರ್ಭದಲ್ಲಿ ಈ ಘಟನೆ ನಡೆದಿದ್ದು, ಯಾವುದೇ ಪ್ರಾಣಾಪಾಯ ಸಂಭ ವಿಸಿಲ್ಲ.

2011ರಲ್ಲಿ ಬಿಹಾರ ಮುಖ್ಯಮಂತ್ರಿ ನಿತೀಶ್‌ ಕುಮಾರ್‌, 1602.74 ಕೋಟಿ ರೂ. ವೆಚ್ಚದಲ್ಲಿ ಈ ಸೇತುವೆ ನಿರ್ಮಾಣಕ್ಕೆ ಶಂಕುಸ್ಥಾಪನೆ ನೆರವೇ ರಿಸಿದ್ದರು. ಈ ಸೇತುವೆ ಕುಸಿತದ ಬಳಿಕ ಕಳೆದ ಜೂನ್‌ನಿಂದ ಬಿಹಾರದಲ್ಲಿ ಕುಸಿದ ಸೇತುವೆಗಳ ಸಂಖ್ಯೆ 17ಕ್ಕೇರಿದೆ. ಅಲ್ಲದೇ ಕಳೆದ ವಾರ ಜಮೂಯಿಯ ಬರ್ನಾರ್‌ ನದಿ ಸೇತುವೆಯು ಒಂದೆಡೆಗೆ ವಾಲಿದ ಘಟನೆ ನಡೆದಿತ್ತು.