ಮುಂಬಯಿ: ಸೋಶಿಯಲ್‌ ಮೀಡಿಯಾ ಪ್ರಭಾವಿ, ಬಿಗ್ ಬಾಸ್ 16 ಖ್ಯಾತಿಯ ಅಬ್ದು ರೋಝಿಕ್ ವಿವಾಹದ ದಿನಾಂಕವನ್ನು ಘೋಷಿಸಿದ್ದಾರೆ.
ಶುಕ್ರವಾರ(ಮೇ.10 ರಂದು) ಅವರು, ನಿಶ್ಚಿತಾರ್ಥವಾದ ಅವರ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಏ.24 ರಂದು ಅವರ ನಿಶ್ಚಿತಾರ್ಥವಾಗಿದ್ದು,ಶುಕ್ರವಾರ ಅದರ ಫೋಟೋವನ್ನು ಅವರು ಹಂಚಿಕೊಂಡು, ವಿವಾಹದ ದಿನಾಂಕವನ್ನು ಘೋಷಿಸಿದ್ದಾರೆ.
ತಜಕಿಸ್ತಾನಿ ಮೂಲದ 20 ವರ್ಷದ ಅಬ್ದು ಗಾಯಕನಾಗಿಯೂ ಗುರುತಿಸಿಕೊಂಡಿದ್ದಾರೆ. ಎಮಿರಾಟಿ(ದುಬೈ) ಮೂಲದ 19 ವರ್ಷದ ಅಮೀರಾ ಅವರೊಂದಿಗೆ ಶಾರ್ಜಾದಲ್ಲಿ ಏಪ್ರಿಲ್ 24 ರಂದು ಅವರು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.
ಯಾರು ಈ ಅಮೀರಾ? : ಅಬ್ದು ಇಂದು ಕೋಟ್ಯಧಿಪತಿಯಾಗಿದ್ದಾರೆ. ಅವರು ಸೋಶಿಯಲ್‌ ಪ್ರಭಾವಿ ಆಗಿದ್ದಾರೆ. ಅಬ್ದು ಅವರ ಪತ್ನಿಯಾಗಲಿರುವ ಅಮೀರಾ 19 ವರ್ಷದ ವಯಸ್ಸಿನವರಾಗಿದ್ದು, ಅವರು ಶಾರ್ಜಾದಲ್ಲಿ ವಾಸಿಸುತ್ತಿದ್ದಾರೆ. ಪ್ರಸ್ತುತ ವ್ಯವಹಾರ ಆಡಳಿತವನ್ನು(Business administration) ಓದುತ್ತಿದ್ದಾರೆ. ಅಬ್ದು ಮತ್ತು ಅಮೀರಾ ಮೊದಲ ಬಾರಿಗೆ ಫೆಬ್ರವರಿ 2024 ರಲ್ಲಿ ದುಬೈ ಮಾಲ್‌ನಲ್ಲಿ ಭೇಟಿಯಾಗಿದ್ದರು.
ಇಬ್ಬರು ಮಾಲ್‌ ವೊಂದರಲ್ಲಿ ಭೇಟಿಯಾದ ಸಂದರ್ಭದಲ್ಲಿ ನಂಬರ್‌ ಎಕ್ಸ್‌ ಚೇಜ್‌ ಮಾಡಿಕೊಂಡಿದ್ದರು ಎಂದು ಸಂದರ್ಶನವೊಂದರಲ್ಲಿ ಅಬ್ದು ಹೇಳಿದ್ದಾರೆ.
“ಜೀವನದಲ್ಲಿ ನಾನು ಕೂಡ ಪ್ರೀತಿಯನ್ನು ಪಡೆಯುವ ಅದೃಷ್ಟಶಾಲಿ ಆಗುತ್ತೇನೆ ಎಂದು ಯಾವತ್ತೂ ಊಹಿಸಿರಲಿಲ್ಲ. ಜುಲೈ 7 ರ ದಿನಾಂಕವನ್ನು ನೆನಪು ಇಟ್ಟುಕೊಳ್ಳಿ” ಎಂದು ಅಬ್ದು ಹೇಳಿದ್ದಾರೆ.
ಬಿಗ್ ಬಾಸ್ 16 ನಲ್ಲಿ ಸ್ಪರ್ಧಿಯಾದ ಬಳಿಕ ಭಾರತದಲ್ಲಿ ಅಬ್ದು ಅಪಾರ ಅಭಿಮಾನಿಗಳ ಬಳಗವನ್ನು ಹೊಂದಿದ್ದಾರೆ. ಅವರ ಹಾಡುಗಳು ವೇಗವಾಗಿ ವೈರಲ್ ಆಗಿವೆ. ಉದ್ಯಮದಲ್ಲೂ ಅವರು ಗುರುತಿಸಿಕೊಂಡಿದ್ದಾರೆ.
