Gold Prices India:ಚಿನ್ನ ಮತ್ತೆ ದುಬಾರಿ: ದರ 870ರೂ. ಏರಿಕೆ: ಈಗ 10 ಗ್ರಾಂಗೆ 78,820 ರೂ.

ನವದೆಹಲಿ: ಬೆಲೆ ಏರಿಕೆಗೆ ಕೆಲ ದಿನಗಳ ಬ್ರೇಕ್‌ ನೀಡಿದ್ದ ಚಿನ್ನ ಇದೀಗ ಮತ್ತೆ ನಾಗಾಲೋಟ ಮುಂದುವರಿಸಿದೆ.

ಶುಕ್ರವಾರ ಬೆಂಗಳೂರಿನಲ್ಲಿ 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 870ರೂ. ಏರಿಕೆಯಾಗಿ 78,820 ರೂ.ಗಳಿಗೆ ತಲುಪಿದೆ.

ಗುರುವಾರ 10 ಗ್ರಾಂ ಚಿನ್ನದ ಬೆಲೆ 77950 ರೂ.ಗಳಾಗಿತ್ತು. ಇನ್ನು ರಾಷ್ಟ್ರ ರಾಜಧಾನಿಯಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ ಬರೋಬ್ಬರಿ 1,100 ರೂ. ಏರಿಕೆಯೊಂದಿಗೆ 80,400ರೂ.ಗೆ ತಲುಪಿದೆ. ಬೆಳ್ಳಿ ಬೆಲೆ ಮಾತ್ರ ಯಾವುದೇ ಬದಲಾವಣೆ ಇಲ್ಲದೇ ಕೆಜಿಗೆ 92,000ರೂ.ಗಳಾಗಿದೆ.