ಮಹಾರಾಷ್ಟ್ರ ವಿಧಾನ ಪರಿಷತ್‌: 11 ಸೀಟುಗಳಿಗೆ ಜು.16ರಂದು ಚುನಾವಣೆ

ಹೊಸದಿಲ್ಲಿ : ಮುಂದಿನ ತಿಂಗಳು ಜುಲೈ 27ರಂದು ತೆರವಾಗುವ 11 ಸೀಟುಗಳಿಗಾಗಿ ಮಹಾರಾಷ್ಟ್ರ ವಿಧಾನ ಪರಿಷತ್‌ ದ್ವೆ„ವಾರ್ಷಿಕ ಚುನಾವಣೆ ಜು.16ರಂದು ನಡೆಯಲಿದೆ.

ಚುನಾವಣಾ ಆಯೋಗ ಈ ಸಂಬಂಧ ನಿನ್ನೆ ಶುಕ್ರವಾರ ಅಧಿಸೂಚನೆ ಹೊರಡಿಸಿದೆ. 

ಚುನಾವಣಾ ಆಯೋಗದ ಪ್ರಕಟನೆ ಪ್ರಕಾರ ನಾಮಪತ್ರ ಸಲ್ಲಿಕೆಗೆ ಜು.5 ಕೊನೇ ದಿನವಾಗಿರುತ್ತದೆ. ಜು.6ರಂದು ನಾಮಪತ್ರ ಪರಿಶೀಲನೆ; ಜು.9 ಉಮೇದ್ವಾರಿಕೆ ಹಿಂಪಡೆಯಲು ಕೊನೇ ದಿನವಾಗಿರುತ್ತದೆ. 

ಜು.16ರಂದು 11 ಸೀಟುಗಳಿಗೆ ಚುನಾವಣೆ ನಡೆದು ಅಂದೇ ಸಂಜೆ 5 ಗಂಟೆಗೆ ಮತ ಎಣಿಕೆ ನಡೆಯಲಿದೆ.