ನಟಿ, ಗಾಯಕಿ ಬಿದಿಶಾ ಬೆಝ್ಬುರ್ಹಾ ನಿಗೂಢ ಸಾವು;ಪತಿ ವಶಕ್ಕೆ

ಗುರುಗ್ರಾಮ: ಅಸ್ಸಾಂನ ನಟಿ, ಗಾಯಕಿ ಬಿದಿಶಾ ಬೆಝ್ಬುರ್ಹಾ ತನ್ನ ಫ್ಲ್ಯಾಟ್‌ನಲ್ಲಿ ಮಂಗಳವಾರ ರಾತ್ರಿ  ಆತ್ಮಹತ್ಯೆ ಮಾಡಿಕೊಂಡ ರೀತಿಯಲ್ಲಿ ಶವವಾಗಿ ಪತ್ತೆಯಾಗಿದ್ದಾಳೆ.  

ಸೀಲಿಂಗ್‌ ಫ್ಯಾನ್‌ಗೆ ನೇಣು ಬಿಗಿದ ಸ್ಥಿತಿಯಲ್ಲಿ 27 ರ ಹರೆಯದ ಬಿದಿಶಾ ಶವ ಕಂಡು ಬಂದಿದೆ. ಕೌಟುಂಬಿಕ ಸಮಸ್ಯೆಯಿಂದ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಹೇಳಲಾಗಿದೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಪತಿ ನಿಶಿತ್‌‌ನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. 

ಬಿದಿಶಾ ಅಸ್ಸಾಂನ ಟಿವಿ ಧಾರಾವಾಹಿಗಳಲ್ಲಿ ನಟಿಸಿ ಜನಪ್ರಿಯರಾಗಿದ್ದರು.ಇತ್ತೀಚೆಗೆ ಬಾಲಿವುಡ್‌ ಚಿತ್ರ ಜಗ್ಗಾ ಜಾಸೂಸ್‌ ನ  ಹಾಡಿನಲ್ಲೂ ಕಾಣಿಸಿಕೊಂಡಿದ್ದರು.ಧಾರಾವಾಹಿಗಳಲ್ಲಿ ಹಿನ್ನಲೆ ಗಾಯಕಿಯಾಗಿ ಗುರುತಿಸಿಕೊಂಡಿದ್ದರು. 

ಅಕೌಂಟ್ಸ್‌ ಅಧಿಕಾರಿಯಾಗಿ ಕೆಲಸ ಮಾಡಿಕೊಂಡಿದ್ದ ಬಿದಿಶಾ ಗುಜರಾತ್‌ ಮೂಲದ ನಿಶಿತ್‌ನನ್ನು ವಿವಾಹವಾಗಿ ಉದ್ಯೋಗ ನಿಮಿತ್ತ ಗುರುಗ್ರಾಂನಲ್ಲಿ ವಾಸವಾಗಿದ್ದರು.